Jôsue 7:19 - Sră Goh 2018

¹⁹ Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

Jôsue 7:19 ပူးပေါင်းရင်းမြစ်များ

II Ală Bơtau 20:15

Esai pơnjat: “Ñchi bơtau ai bol khai in sền tòm gơlang bơtau taih?” Ejekia ho: “Bol khai neh gŏ jơh ală phan tòm gơlang añ. Ò gơs phan lơi tòm gơlang mơ añ ò ai bol khai in sền ò.”

II Yal Yau 30:22

Ejekia đơs jơnau chồl nùs jơh ală cau Lebi neh yal tơlik bơta git jak niam bơh bơta duh broă Yàng Jehôwa. Behơ̆ làng bol sa phan sa bơta pơjum sa ngai wèr dê tòm poh ngai, ơn phan duh khoai bơta ring lơngai mơ bơta ưnngài Jehôwa Yàng Tom Trồ ală ồng pàng bol khai dê.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Đơs Crih 51:3

Tài bơh añ git ală bơta tìs glài añ jê, Tồi glài añ jê gơ ơm sùm di đap añ.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 13:12

Añ lơh kòn mơnus in dô êt rlau mơ màh ngan, dô êt rlau mơ màh Ôphir dê.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Daniel 9:4

Behơ̆, añ hòi dan mơ Jehôwa Yàng Tom Trồ añ jê, yal glài mơ đơs lah: “Ơ Yàng la Yàng Tom Trồ dờng rlau jơh mơ pal rơm să rngòt, Kơnràñ prap gàr jơnau ho bal tòm bơta kòñ gơboh kơ̆ dơn gơwèt hơ ală cau kòñ gơboh dê Kơnràñ mơ lơh jat ală bơta sồr lam Kơnràñ dê.

Luka 17:18

Rlau mơ cau làng bơdìh do, gen ò gơs cau ndai tai rê wơl nàng jòng ro Yàng Tom Trồ ơ?”

Jang 9:24

Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Jakơ 1:20

bơh bơta gơjrañ kòn mơnus dê ò lơh gơlik bơta song ring Yàng Tom Trồ dê.

Jôsue 7:20

Mơ Akan ho lah: “Ngan, añ la cau neh tìs glài mơ Jehôwa Yàng Tom Trồ Israel dê, mơ do la bơta añ neh lơh:

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.

I Samuel 14:43

Gen Sol đơs mơ Jônathan lah: “Yal tĕ añ in ñchi bơta mê neh lơh.” Jônathan đơs mơ khai lah: “Añ mìng sa liap dô êt dà lơwe bơh di cồng gai jra añ jê, mơ tŭ do añ pal chơt sơl ơ?”

I Samuel 6:5

Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.