Jôsue 6:27 - Sră Goh 2018

²⁷ Behơ̆ Yàng Jehôwa ơm bal mơ Jôsue, mơ khai geh tiơng pơnro tòm làm lơgar.

Jôsue 6:27 ပူးပေါင်းရင်းမြစ်များ

Sơnròp Gơlik Gơs 39:21

Mơya Yàng Jehôwa ơm bal mơ Jôsep, mơ Kơnràñ yal tơlik bơta kòñ gơboh kơ̆ dơn Kơnràñ dê, mơ ai khai in geh bơta nđàc di đap cau at bồ hìu jàm.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

I Yal Yau 14:17

Behơ̆ Dabit geh tiơng pơnro làm jơh kòp lơgar, mơ Yàng Jehôwa lơh jơh ală làng bol rngòt di khai.

Este 9:4

Bơh Mordike gơs gơnoar pràn ngan tòm gơlang bơtau, mơ bơta tiơng pơnro bơh khai neh yal làm jơh tòm ală kơnhwàl lơgar, khai sơlo ngai sơlo geh gơnoar pràn rlau tai.

Mathiơ 14:1

Tòm tŭ hơ̆ Herôt la bơtau oh kơno jơnau pơnro bơh Yàng Jesu,

Mathiơ 18:20

Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Yal Wơl 31:6

Lơh tĕ pràn kơldang mơ khin cha. Bañ rngòt cù kìr tài bơh bol khai, bơh Jehôwa Yàng Tom Trồ bol mê dê lòt bal mơ bol mê, Kơnràñ rơp ò tŭ lơi sang bol mê hala lòi bol mê.”

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Jôsue 1:5

Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 9:1

Tòm tŭ ală cau bơtau ơm đah ne hiòng Jordan dê, ơm tòm lơgar kơh mơnơm, mơ tòm tiah liah rò gah Dàlềng Dờng hơ đah Liban, la bơtau làng bol Hetit, Amôrit, Kanaan, Pherijit, Hebit mơ Jebusit, kơno bơh bơta do,

Jôsue 9:3

Mơya tòm tŭ làng bol ơm tòm Gabaôn kơno bơta Jôsue neh lơh di Jerikô mơ Ahi,

Jôsue 9:9

Bol hơ̆ ho lah: “Ală cau duh broă ồng dê neh tus bơh dô nơm lơgar ngài ngan, tài bơh bol hi neh kơno sơnđan Jehôwa Yàng Tom Trồ ồng dê. Bol hi neh kơno cau yal bơh Kơnràñ, mơ jơh ală bơta Kơnràñ neh lơh tòm lơgar Ejiptơ,

Ală Kwang Cahrña 1:19

Yàng Jehôwa ơm bal mơ cau Juda. Bol khai tòmpìt ai tiah lơgar kơh mơnơm lơh gơs sre brê, mơya bol khai ò rgơi ting bơtrơh làng bol ơm tòm tiah ƀlàng ring; tài bơh bol hơ̆ gơs rơndeh lòs tòmlơh.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.