Jôsue 6:24 - Sră Goh 2018

²⁴ Gen bol khai chu jơh ƀòn dờng bal mơ jơh ală phan tòm hơ̆; mìng priă, màh mơ ală phan ngui lơh mơ kòng mơ lòs gen bol khai ơn tòm đam jàr hìu Yàng Jehôwa dê.

Jôsue 6:24 ပူးပေါင်းရင်းမြစ်များ

II Samuel 10:5

Tòm tŭ cau yal wơl bơta hơ̆ Dabit in, khai sồr ală cau kong sồr lòt rò ală cau hơ̆, bơh bol khai ƀàssìl ƀàsso dờng ngan. Bơtau đơs lah: “Ơm tĕ tòm Jerikô jơl tus di tŭ sơnò tềp bol mê neh gơcat gen sồng rê wơl.”

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

I Yal Yau 18:11

Bơtau Dabit ơn jơh ală phan ngui hơ̆ Yàng Jehôwa in kung be khai neh ơn priă mơ màh mơ khai neh tă ai bơh di ală lơgar Edôm mơ Môap, Ammôn mơ Philistin, mơ Amalek.

Khà Làng Bol 31:10

Bol khai chu jơh ală ƀòn dờng la tiah ală cau Midian neh ơm, mơ kung chu jơh ală sàl ơm bol khai dê.

Yal Wơl 13:16

Pơjum tơrgòm jơh ală phan tòmpìt geh tòm ƀlàng pơjum làng bol mơ ai ồs chu tơnroh jơh hir ƀòn dờng bal mơ jơh ală phan tòmpìt geh gơ dê lơh gơs dô nơm phan ơn chu pơrguc Jehôwa Yàng Tom Trồ bol mê in. Ƀòn dờng do pal sang lòi tơrlah tơrling gam sùm sùm, ò gơs tŭ lơi geh bơt bơtào wơl.

Yal Wơl 13:17

Ò gơs dô nơm phan lơi tòm ală phan neh gơkòl sang lòi tơnroh geh jòi bàn tòm tê bol mê dê tồ Yàng Jehôwa rơp tòmgơl bơta gơjrañ dờng Kơnràñ dê mơ Kơnràñ rơp yal tơlik bơta nđàc bol mê in, gơs nùs kòñ nđàc di bol mê mơ lơh khà làng bol bol mê dê geh gơbơtơl oă tòm toh jat be Kơnràñ neh ho pơgon mơ ală ồng pàng bol mê dê,

Yal Wơl 20:16

Bulah behơ̆, tòm ală ƀòn dờng gơrê bal mơ ală làng bol mơ Jehôwa Yàng Tom Trồ bol mê dê ai bol mê in lơh gơs sre brê gen bañ lòi kis dô nơm phan lơi tă nhơm.

Jôsue 11:11

Bol khai ai đào tơnchơt jơh ală cau ơm tòm hơ̆, ò lòi dô nơm phan tă nhơm lơi gam kis, mơ khai chu ƀòn Hajor mơ ồs.

Jôsue 6:19

Mơya jơh ală priă, màh mơ jơh ală phan ngui lơh mơ kòng mơ lòs rơp ơn is lơh gơs sàng goh Yàng Jehôwa in, mơ tơmut jơh phan hơ̆ tòm đam jàr Yàng Jehôwa dê.”

Jôsue 6:25

Mơya Rahap la cau ùr dri bal mơ hìu nhă khai dê, mơ jơh ală cau bal mơ khai, gen Jôsue lòi kis, hìu nhă khai dê gam ơm digùl Israel jơl tus ngai do; tài bơh khai neh pồn ală cau geh sồr lòt mơ Jôsue neh sồr lòt sền òm ƀòn Jerikô.

Jôsue 8:28

Behơ̆ Jôsue neh chu ƀòn Ahi, mơ neh lơh gơ in gơlik dô gơnru tơrlah tơrlơm gam sùm sùm, be gơ gơs tus di ngai do.

Yal Tơlik 17:16

Jơt nơm ngke mơ mê neh gŏ hơ̆ bal mơ phan poan jơng rơp gơjrañ kơuềng di cau ùr dri tơlàr ne, lơh khai in ơm is, ơm kuh lòi rồ, sa poac khai dê mơ chu pơrguc khai tòm ồs.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”