Jôsue 6:22 - Sră Goh 2018

²² Jôsue đơs mơ bàr nă cau sền òm lơgar lah: “Mut tĕ tòm hìu cau ùr dri, mơ lam khai lik bal mơ jơh ală cau ơm mơ khai, jat be jơnau bol mê neh srat să ho nền mơ khai.”

Jôsue 6:22 ပူးပေါင်းရင်းမြစ်များ

II Samuel 21:2

Behơ̆ cau bơtau sồr hòi cau Gabaôn tus mơ tòmbơhbơr mơ bol khai. (Tŭ hơ̆ cau Gabaôn ò di la dô pơnah tòm làng bol Israel, mơya bol khai la cau Amôr gam kis; bulah làng bol Israel neh srat să ho nền ò tơnroh bol khai, mơya Sol neh kòñ pơs tơlik bol khai, bơh nùs ngac ngar khai dê bơh làng bol Israel mơ Juda).

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

Đơs Crih 15:4

Khai sền òsơp di cau iơh bơsak, Mơya sền dờng màng di cau duh rngòt di Yàng Jehôwa; Khai ho nền bulah pal kong roh, kung ò tòmgơl jơnau.

Ejekiel 17:13

Lồc behơ̆ khai neh ai dô nă cau tòm hìu cau bơtau dê mơ bơtào dô bơta ho bal mơ cau hơ̆, sồr khai srat să ho nền. Khai kung neh kup cèng ală cau lam bồ lơgar dê,

Ejekiel 17:16

Jehôwa Yàng Tom Trồ đơs lah: ‘Di ngan kung be Añ kis, khai rơp chơt tòm Babilôn, tòm lơgar gơrê mơ cau bơtau neh ơn khai hơđang sơbàn, la cau bơtau mơ khai neh sền òsơp di jơnau srat să ho nền mơ gơltac bơta ho bal.

Hebrơ 11:31

Bơh bơta dòn cau ùr dri Rahap ò roh rui bal mơ ală cau ò dòn bơr, bơh khai neh wă rò dô bă sơrmah sơrmài ală cau lòt rwang sền lơgar.

Jôsue 6:17

Ƀòn dờng bal mơ jơh ală phan tòm hơ̆ pal phi ơn Yàng Jehôwa in nàng tơnroh jơh. Mìng lòi dô nă Rahap la cau ùr dri bal mơ jơh ală cau ơm mơ khai tòm hìu khai dê geh kis, tài bơh khai neh pồn ală cau geh sồr lòt mơ bol he neh sồr lòt.

Jôsue 6:23

Behơ̆ bàr nă cau pơnu neh lòt sền òm lơgar mut tòm hìu mơ lam Rahap lik bal mơ mè bèp oh mi mơ jơh ală cau bal mơ khai. Bol khai lam jơh ală cau tòm hìu nhă Rahap mơ ơn bol khai hơ bơdìh sàl Israel dê.

Jôsue 9:15

Gen Jôsue lơh dô bơta tòmho ring lơngai mơ bol hơ̆, mơ lòi bol khai in kis, mơ ală cau kwang at bồ mpồl jơnum Israel dê srat să tòmho mơ bol hơ̆.

Ală Kwang Cahrña 1:25

Behơ̆ khai sơnio bol khai in gùng mut tòm ƀòn; bol khai ai đào tơnroh ƀòn, mơya bol khai lòi cau hơ̆ jơh hìu nhă khai dê kis.