Jôsue 6:21 - Sră Goh 2018

²¹ Bol khai ơn jơh ală phan tòm ƀòn dờng bơta tơnroh in, ai đào tơnchơt jơh cau klau mơ cau ùr, cau kơnòm mơ cau kra, kơnrồ, belàt mơ alàng.

Jôsue 6:21 ပူးပေါင်းရင်းမြစ်များ

I Ală Bơtau 20:42

Gen cau gơnoar hwơr đơs lah: “Yàng Jehôwa đơs be do: ‘Tài bơh mê neh tơngklàs bơh tê mê dô nă cau Añ neh lơh nền pal tơnroh, behơ̆ tàng bơta kis mê rơp ala bơta kis khai, mơ làng bol mê dê ala làng bol khai dê.’”

Jeremi 48:18

Ơ kòn ùr ơm tòm Dibôn! Mù tĕ bơh sơbàn gơklŏ, Nggui tòm tiah ro rañ. Bơh cau tơnroh Môap guh tòmdră mơ ai, Phà tơrlah theng kơ̆ cê ai dê.

Yal Wơl 13:16

Pơjum tơrgòm jơh ală phan tòmpìt geh tòm ƀlàng pơjum làng bol mơ ai ồs chu tơnroh jơh hir ƀòn dờng bal mơ jơh ală phan tòmpìt geh gơ dê lơh gơs dô nơm phan ơn chu pơrguc Jehôwa Yàng Tom Trồ bol mê in. Ƀòn dờng do pal sang lòi tơrlah tơrling gam sùm sùm, ò gơs tŭ lơi geh bơt bơtào wơl.

Yal Wơl 2:34

Tòm tŭ hơ̆, bol hi tòmpìt ai jơh ală ƀòn dờng khai dê mơ tơnroh bol khai jơh hir, jơh ală cau klau, cau ùr mơ cau kơnòm. Bol hi ò lòi dô nă cau lơi gam kis.

Yal Wơl 7:16

Bol mê pal tơnroh jơh ală làng bol mơ Yàng Jehôwa jào tòm tê bol mê dê. Bañ gơs nùs nđàc sơngit di bol khai mơ bañ duh khoai ală yàng bol khai dê, bơh bơta hơ̆ rơp kung be dô nơm dă bol mê in.

Jôsue 10:28

Tòm ngai hơ̆, Jôsue tòmpìt ai Makedah. Khai ai đào tơnroh ƀòn bal mơ bơtau gơ dê. Khai tơnroh jơh ală cau tòm hơ̆, ò lòi dô nă cau lơi gam kis. Khai lơh di cau bơtau Makedah kung be khai neh lơh di cau bơtau Jerikô.

Jôsue 10:39

Khai tòmpìt ai ƀòn dờng, bơtau gơ dê mơ ală ƀòn gơ dê, mơ ai đào tơnroh jơh; bol khai tơnchơt jơh ală cau ơm tòm gơ, ò lòi dô nă cau lơi gam kis. Be khai neh lơh di Hebrôn mơ kung be khai neh lơh di Lipna mơ bơtau gơ dê, kung behơ̆ khai neh lơh di Debir mơ bơtau gơ dê sơl.

Jôsue 11:11

Bol khai ai đào tơnchơt jơh ală cau ơm tòm hơ̆, ò lòi dô nơm phan tă nhơm lơi gam kis, mơ khai chu ƀòn Hajor mơ ồs.

Jôsue 11:14

Ală phan tòmpìt geh bal mơ jơh ală phan poan jơng ală ƀòn hơ̆ di cau Israel lơh gơs phà kup bol khai dê; mơya jơh ală làng bol, gen bol khai tơnchơt mơ đào, ò lòi dô nơm phan tă nhơm lơi gam kis.

Jôsue 8:2

Mê rơp lơh di Ahi mơ bơtau gơ dê kung be mê neh lơh di Jerikô mơ bơtau gơ dê; mìng bơh ală phan phà kup bal mơ phan poan jơng gơ dê bol mê rơp ai be phan phà kup să tòm bol mê in. Ơn dô mpồl kơp òm tòmdră bơh ngkòi ƀòn dờng.”

Jôsue 8:22

Ală cau neh kơp òm kung lik bơh ƀòn mơ lơh cau Ahi sơl; bol khai kòl gơrwàng gùt dar, cau Israel tơnchơt bol khai jơl tus di tŭ ò gam dô nă cau lơi kis hala dô nă cau lơi dô klàs.

Jôsue 9:3

Mơya tòm tŭ làng bol ơm tòm Gabaôn kơno bơta Jôsue neh lơh di Jerikô mơ Ahi,

Yal Tơlik 18:21

Gơs dô nă cau gơnrơh pràn kơldang ai dô nơm lŭ be mpal dờng sơrbì tòm dàlềng mơ đơs lah: “Ƀòn dờng Babilôn rơp kong sơrbì pràn ngan behơ̆, ò gơs tŭ lơi gŏ gơ tai.

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 15:8

Mơ khai kup kis Agak la bơtau Amalek dê mơ ai đào tơnroh jơh làng bol hơ̆.