Jôsue 6:17 - Sră Goh 2018

¹⁷ Ƀòn dờng bal mơ jơh ală phan tòm hơ̆ pal phi ơn Yàng Jehôwa in nàng tơnroh jơh. Mìng lòi dô nă Rahap la cau ùr dri bal mơ jơh ală cau ơm mơ khai tòm hìu khai dê geh kis, tài bơh khai neh pồn ală cau geh sồr lòt mơ bol he neh sồr lòt.

Jôsue 6:17 ပူးပေါင်းရင်းမြစ်များ

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Ejra 10:8

Mơ dilah cau lơi ò bài tus tòm pe ngai, jat gơnoar sồr ală cau kwang mơ ală cau kwang kra dê, gen jơh ală phan mơna sre brê khai dê rơp kong tă bơh di khai mơ să tòm cau hơ̆ rơp kong bơtrơh tơlik bơh di mpồl ală cau kong kup cèng.

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Jeremi 46:10

Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Ejekiel 39:17

Ai mê, ơ kòn mơnus, Jehôwa Yàng Tom Trồ đơs be do: ‘Đơs tĕ mơ jơh ală jơi sềm mơ jơh ală jơi phan poan jơng tòm brê lah: Pơjum tơrgòm bal tĕ mơ tus bơh jơh ală đah gùt dar, tus hơ phan ơn mơ Añ rcang yò sa bol mê in, hơ̆ la dô nơm phan ơn yò sa dờng hơđang ală mơnơm Israel dê. Tềng hơ̆ bol mê rơp sa poac mơ hùc mhàm.

Lebi 27:21

Tòm tŭ ù tiah rơp geh hồ toh tòm Nam Hòn Chò, gơ rơp gơlik gơs sàng goh kung be dô bă ù tiah neh ơn Yàng Jehôwa in, gơ rơp gơlik gơs phan tòm ală cau gơnoar ơn phan duh khoai dê.

Mice 4:13

Ơ Kòn ùr Siôn, guh tĕ mơ pơrjòt tĕ! Bơh Añ rơp lơh ai in ală ngke mơ lòs, mơ ală nđias jơng mơ kòng; mơ ai rơp pòng bơcah lề lac oă làng bol. Ai rơp ơn phan bol khai tòmpìt geh Yàng Jehôwa in, ơn bơta pas sơm bol khai dê Yàng Jehôwa in la Yàng jơh dunnia dê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Galati 3:12

Mơ tai, bơta boh lam ò di be bơta dòn, mơya: “Cau lơi lơh jat bơta boh lam gen rơp kơnòm di bơta hơ̆ mơ geh kis.”

Yal Wơl 20:17

Tơnroh tĕ jơh hir bol khai tòm toh jat be Jehôwa Yàng Tom Trồ bol mê dê neh sồr bol mê, hơ̆ la ală cau Hetit, cau Amôrit, cau Kanaan, cau Pherijit, cau Hibit, mơ cau Jebusit.

Hebrơ 11:31

Bơh bơta dòn cau ùr dri Rahap ò roh rui bal mơ ală cau ò dòn bơr, bơh khai neh wă rò dô bă sơrmah sơrmài ală cau lòt rwang sền lơgar.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 2:25

Kung behơ̆ sơl, cau ùr dri Rahap wă rò ală cau kong sồr lòt mơ sồr bol khai jat gùng ndai mơ lòt, khai ò di geh kòp la song ring kơnòm di broă lơh ò ơ?

Jôsue 2:1

Gen Jôsue kòn klau Nun dê, sồr bàr nă cau bơh Sittim lòt sền òm lơgar, mơ đơs lah: “Lòt tĕ sền òm làm lơgar, oă rlau jơh la Jerikô.” Behơ̆, bol khai lòt mơ mut tòm hìu dô nă cau ùr dri, sơnđan la Rahap mơ ơm mang tềng hơ̆.

Jôsue 2:22

Bàr nă bol khai lòt tus hơ lơgar kơh mơnơm, mơ ơm tềng hơ̆ pe ngai, jơl tus ală cau ting jat neh rê. Bol hơ̆ neh jòi bol khai làm ală gùng mơya ò bàn.

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 15:6

Sol đơs mơ cau Kenit lah: “Lik lòt tĕ bơh digùl làng bol Amalek tồ añ ò tơnroh bol mê bal mơ bol khai; bơh bol mê neh yal tơlik bơta niam lơnhơn mơ jơh cau Israel tòm tŭ bol khai lik bơh di Ejiptơ.” Behơ̆ cau Kenit lik lòt bơh digùl cau Amalek.