Jôsue 3:15 - Sră Goh 2018

¹⁵ Tŭ hơ̆, dà Jordan tih dờng bam jơh bàr gah hiòng jơh tòm kơnhai toès. Mơya tòm tŭ ală cau gơnoar ơn phan duh khoai tùng Đài Bơta Ho Bal tus di hiòng Jordan mơ tòm tŭ mpàng jơng bol khai dê jă di gah dà,

Jôsue 3:15 ပူးပေါင်းရင်းမြစ်များ

II Ală Bơtau 2:6

Eli đơs mơ khai lah: “Ơm tĕ tềng do, bơh Yàng Jehôwa sồr añ lòt tus hơ Jordan.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ rơp ò sang lòi ồng.” Behơ̆, bàr nă bol khai pơnjat lòt gùng.

I Yal Yau 12:15

Bol khai la ală cau neh tiă hiòng Jordan tòm kơnhai dùl tòm tŭ dà guh bam jơh bàr gah, mơ bol khai ting bơtrơh jơh ală cau ơm tòm ală thòng, tus hơ đah mattơngai lik mơ tus hơ đah mattơngai mut.

I Yal Yau 12:16

Gơs dô êt cau Benjamin mơ cau Juda neh tus hơ Dabit tòm theng kơ̆ cê.

Esai 26:6

Ală jơng jă trơm gơ, ală mpàng jơng ală cau rƀah lơòi dê, ală cơnđòa cau siơ̆u siar dê.

Jeremi 12:5

“Dilah mê ntoat pơrlòng bal mơ cau ntoat mơ jơng, mơ gam bòl glar, Gen mbe rgơi ntoat pơrlòng mơ ơseh taih? Tòm tŭ lơgar ơm ring lơngai mơ mê gơtup pừ, Mbe mê rơp lơh mơ tòm tŭ hiòng Jordan ngơr?

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Nahum 1:4

Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

Jôsue 3:13

Tòm tŭ ală cau gơnoar ơn phan duh khoai tùng Đài Bơta Ho bal Yàng Jehôwa dê la Yàng jơh dunnia dê, ơn mpàng jơng bol khai dê tòm dà hiòng Jordan gen dà tòm hiòng hòr bơh tồ rơp kòl cah bàr đah, mơ gơ ơm dơh wơl lơh gơs kung be dô nơm gơnru.”

Jôsue 4:18

Gen ală cau gơnoar ơn phan duh khoai tùng Đài Bơta Ho Bal Yàng Jehôwa dê guh bơh hiòng. Tòm tŭ mpàng jơng bol khai dê jă hơđang ù rañ rsơh, gen dà hiòng Jordan gơhòr rê wơl hơ tiah yau gơ dê mơ hòr bam ngơr wơl jơh ală đah be lài.