Jôsue 24:7 - Sră Goh 2018

⁷ Mơya bol khai hòi dan Yàng Jehôwa dong kòl, gen Kơnràñ ơn bơta klam jơngo digùl bol mê mơ cau Ejiptơ; Kơnràñ sồr dàlềng bồr bol khai. Bol mê neh gŏ mơ mat tòm bol mê dê bơh ală bơta Añ neh lơh cau Ejiptơ in. Tơnơ̆ mơ tŭ bol mê neh ơm jŏ jòng tòm ƀlàng ngềt ngơt.

Jôsue 24:7 ပူးပေါင်းရင်းမြစ်များ

Lik Ejiptơ 14:10

Tòm tŭ Pharaôn tus rềp, cau Israel pò mat mơ gŏ cau Ejiptơ ting jat bol khai. Bol khai rngòt rngơt ngan, hòi driau mơ Yàng Jehôwa.

Lik Ejiptơ 14:20

ơm digùl mpồl ling Ejiptơ mơ Israel. Jrong mhwal lơh jơngo đah do in, mơ cèng bơta àng đah ne in; gen tàng jơh dô mang ò gơs đah lơi rgơi tus rềp mơ gơp.

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Yal Wơl 1:46

Behơ̆ bol mê pal ơm wơl tòm Kades Barnea tòm jŏ ngai, jơh ală tŭ tơngai bol mê ơm tềng hơ̆ jŏ ngan.”

Yal Wơl 2:14

Pe jơt phàm nam neh rlau bơh di tŭ bol hi lik lòt bơh di Kades Barnea jơl tus di tŭ bol hi lòt gan thòng Jeret. Tus di tŭ hơ̆ gen jơh dô rài ală cau klau jak tòmlơh neh roh jơh bơh di sàl ơm jat be Yàng Jehôwa neh srat să mơ bol khai.

Yal Wơl 29:2

Môise hòi pơjum bal jơh ală cau Israel mơ đơs mơ bol khai lah: “Mat bol mê neh gŏ jơh ală broă mơ Yàng Jehôwa neh lơh tòm Ejiptơ di Pharaôn, di jơh ală cau kwang duh broă khai mơ jơh ù tiah lơgar khai dê.

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

Hebrơ 3:17

Yàng Tom Trồ neh gơjrañ mañ di ñcau tòm poan jơt nam taih? Ò di la ală cau neh tìs glài, mơ ƀồc bol khai neh gơpừ tòm ƀlàng ngềt ngơt ò ơ?

Jôsue 5:6

Làng bol Israel neh lòt gùng poan jơt nam tòm ƀlàng ngềt ngơt jơl tus di tŭ jơh ală cau klau la cau ling lik bơh lơgar Ejiptơ neh chơt jơh, tài bơh bol khai ò dòn bơr Yàng Jehôwa. Bơh Yàng Jehôwa neh srat să ho nền mơ bol khai lah, Kơnràñ ò ai bol khai in sền gŏ lơgar mơ Kơnràñ neh srat să ho nền mơ ồng pàng bol khai dê la rơp ai bol he in, hơ̆ la lơgar hòr dà toh mơ dà lơwe.