Jôsue 24:27 - Sră Goh 2018

²⁷ Gen Jôsue đơs mơ làng bol lah: “Sền tĕ, pơnai lŭ do rơp lơh cơng bol he in. Gơ neh kơno jơh ală jơnau Yàng Jehôwa neh đơs mơ bol he. Gơ rơp lơh cơng tòmdră di bol mê dilah bol mê ò ơm song mơ Yàng Tom Trồ bol mê dê.”

Jôsue 24:27 ပူးပေါင်းရင်းမြစ်များ

Sră Jop 31:23

Bơh añ rngòt di bơta rung rài tus bơh Yàng Tom Trồ, Mơ añ ò rgơi ơm di đap mat bơta ryŭ ryơm Kơnràñ dê.

Sră Jop 31:28

Hơ̆ kung la dô bơta tồi glài pal kong lơh glài mơ cahrña; Bơh añ pal gơlik ma blac gơwèt mơ Yàng Tom Trồ hơđang trồ.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Esai 1:2

Ơ ală tap trồ, iat tĕ! Ơ ù, ơn tồr iat tĕ! Bơh Yàng Jehôwa neh đơs lah: “Añ neh ròng siam kòn sau mơ lơh bol khai in dờng, mơya bol khai bơtào tòmdră wơl mơ Añ.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Habakuk 2:11

Ală lŭ tòm dơrñang rơp hòi driau, mơ ală ròc dra hơđang rkàng hìu rơp ho wơl.

Khà Làng Bol 11:20

mơya tơl jơh tòm dô kơnhai, jơl tus di tŭ poac gơ rơp lik bơh di trồm muh bol mê dê, mơ bol mê làp dil gơ, tài bơh bol mê neh sang lòi Yàng Jehôwa la Bơtau ơm digùl bol mê, mơ bol mê neh rac ròc di đap Kơnràñ mơ đơs lah: “Ñchi bơh tài bol hi neh sang lòi Ejiptơ taih?”’”

Mathiơ 10:33

Ai cau lơi pơndang sang Añ di đap cau, gen Añ kung rơp pơndang sang khai di đap Bèp Añ ơm hơđang trồ sơl.

Luka 19:40

Kơnràñ ho lah: “Añ đơs mơ bol mê, dilah bol khai ơm mŏ mŏ, gen lŭ rơp driau dờng.”

Yal Wơl 30:19

Ngai do añ hòi trồ mơ tiah lơh cơng tòmdră mơ bol mê lah añ neh ơn di đap bol mê bơta kis mơ bơta chơt, ală bơta lơngai lơngò mơ ală bơta srat sơntơm. Sac rwah tĕ bơta kis nàng bol mê mơ ală kòn sau bol mê dê geh kis,

Yal Wơl 31:19

Tŭ do cih tĕ mê in jơnau đơs chò do, mơ bơto ală cau Israel in; mơ sồr bol khai đơs chò jơnau hơ̆ tồ gơlik gơs dô jơnau lơh cơng tòmdră mơ làng bol Israel.

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Yal Wơl 31:26

“Ai tĕ Sră Bơta Boh lam do mơ ơn gơ di gah Đài Bơta Ho Bal Jehôwa Yàng Tom Trồ bol mê dê. Tềng hơ̆ gơ rơp ơm kung be dô nơm cơng tàng tòmdră mơ bol mê.

Yal Wơl 32:1

“Ơ ală tap trồ, ơm iat tĕ, mơ añ rơp đơs; Ơ plai ù, ai tồr iat tĕ ală jơnau đơs bơr añ jê.

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.

Jôsue 22:34

Behơ̆ cau Ruben mơ cau Gat sơnđan cơnòng duh khoai hơ̆ la: “Dô bơta Lơh Cơng digùl bol hi mơ Jehôwa la Yàng Tom Trồ.”

Jôsue 24:28

Gen Jôsue ai làng bol in rê, kòp nă rê hơ sre brê tòm he dê.

Yal Tơlik 3:8

‘Añ git ală broă mê dê. Do Añ neh pò di đap mê dô nơm mpồng ò gơs cau lơi rgơi til; Añ git mê gơs mìng dô êt pràn, bulah behơ̆ mê neh prap gàr jơnau Añ jê mơ mê ò pơndang sang sơnđan añ.

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”