Jôsue 24:23 - Sră Goh 2018

²³ Gen Jôsue đơs lah: “Behơ̆, tŭ do sang tĕ ală yàng lơgar bơdìh bơh digùl bol mê, mơ ơn nùs bol mê Yàng Jehôwa in la Yàng Tom Trồ Israel dê.”

Jôsue 24:23 ပူးပေါင်းရင်းမြစ်များ

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

I Ală Bơtau 8:58

dan Kơnràñ chồl nùs bol hi wèt mơ Kơnràñ, tồ bol hi lòt tòm ală gùng dà Kơnràñ dê, prap gàr ală bơta sồr lam, bơta boh lam, mơ gơnoar sồr Kơnràñ dê neh nting sồr ồng pàng bol hi dê.

Đơs Crih 119:36

Dan lơh nùs añ in wèt hơ ală jơnau sồr kràñ cê Yàng dê; Bañ lòi añ wèt hơ bơta hàm hà.

Đơs Crih 141:4

Dan bañ lòi nùs añ wèt hơ bơta iơh lơi, bañ lòi añ giga tòm ală broă iơh bơsak, tòm mpồl ală cau lơh bơta tồi glài iơh bơsak; Dan bañ lòi añ sa phan bơkah bol khai dê.

Đơs Crih 81:10

Añ la Jehôwa Yàng Tom Trồ bol mê dê, Bơtau neh cèng bol mê lik klàs bơh lơgar Ejiptơ. Pò tĕ ơnàng bơr mê dê, gen Añ rơp tơmbềng gơ.

Lik Ejiptơ 20:23

Bañ lơh gơs yàng lơi mơ ơn bal mơ Añ; bañ lơh bol mê in ală yàng mơ priă hala ală yàng mơ màh.’

Jơnau Pơnđik 2:2

Ai tồr iat loh jơnau jak chài, Mơ wèt nùs kòn hơ bơta git wă;

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.