Jôsue 24:20 - Sră Goh 2018

²⁰ Dilah bol mê sang lòi Yàng Jehôwa mơ duh broă ală yàng lơgar bơdìh dê, Kơnràñ rơp tơrwơl mơ đùh bơta rung rài mơ tơnroh bol mê tơnơ̆ mơ tŭ Kơnràñ neh lơh niam bol mê in.”

Jôsue 24:20 ပူးပေါင်းရင်းမြစ်များ

I Yal Yau 28:8

Behơ̆ tŭ do di đap jơh làng bol Israel mơ jơh dô mpồl jơnum Yàng Jehôwa dê, mơ gơs Yàng Tom Trồ bol he dê ơm iat: Kơrhia tĕ lơh jat jơh ală jơnau gơnoar sồr Jehôwa Yàng Tom Trồ bol mê dê tồ bol mê rgơi dòp lơgar niam mơnĕ do mơ lòi wơl lơh gơs phan jơtài ală kòn sau bol mê in gam sùm sùm.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

Ejra 8:22

Bơh añ ƀàssìl nàng dan bơtau ai dô mpồl ling bal mơ ală cau ling hào ơseh nàng sền gàr bol hi klàs bơh di ală cau sò tơm tòm gùng bol hi dê, bơh di tŭ bol hi neh đơs mơ cau bơtau lah: “Tê Yàng Tom Trồ bol hi dê kòñ nđàc jơh ală cau jòi Kơnràñ, mơya gơnoar pràn mơ bơta gơjrañ Kơnràñ dê tòmdră mơ jơh ală cau sang lòi Kơnràñ.”

Đơs Crih 89:31

Dilah bol khai tòmdră mơ jơnau sồr Añ jê, Ò prap gàr ală bơta sồr lam Añ jê,

Esai 1:28

Mơya ală cau tòmdră mơ ală cau tồi glài rơp kong bal bơta tơnroh, mơ ală cau sang lòi Yàng Jehôwa gen rơp kong roh rui.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Ejekiel 18:24

Mơya dilah dô nă cau song ring pơrlac wơl bơh di bơta song ring khai dê mơ tìs glài, mơ lơh ală bơta cù kìr ndròm bal be cau iơh bơsak lơh gen khai rơp geh kis sơl? Ò gơs dô nơm broă song ring lơi khai neh lơh rơp geh kah wơl. Tài bơh bơta ò dòn song gen khai kong lơh nền glài, mơ tài bơh tồi glài khai neh tìs gen khai rơp chơt.’

Broă 7:42

Yàng Tom Trồ đìu ngkòi di bol khai mơ phi bol khai duh khoai ală mpồl ling hơđang trồ, be neh cih tòm sră ală cau gơnoar hwơr lah: ‘Ơ hìu Israel, bol mê neh ơn phan pơdơng mơ phan ơn duh khoai Añ in, Tòm poan jơt nam tòm ƀlàng bràs sơl?

Yal Wơl 4:25

Tơnơ̆ mơ tŭ bol mê neh gơs ală kòn mơ ală sau mơ neh ơm tòm lơgar jŏ rau, dilah tòm tŭ hơ̆ bol mê gơlik gơs ƀơ̆ iơh tài bơh lơh rùp ràk lơi nàng duh khoai, lơh bơta iơh bơsak di đap mat Jehôwa Yàng Tom Trồ bol mê dê mơ bơrcek Kơnràñ gơhào gơjrañ,

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Hebrơ 10:38

Cau song ring añ jê rơp kis bơh bơta dòn, Dilah ruc wơl, gen hwềng soàn añ ò chò hòp bơh khai dô êt lơi.”

Jôsue 24:21

Mơya làng bol đơs mơ Jôsue lah: “Bol hi ò lơh behơ̆ ò, bol hi rơp duh broă Yàng Jehôwa.”

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.

I Samuel 12:25

Mơya dilah bol mê kư̆ lơh bơta iơh bơsak, gen bol mê rơp gơkòl tơnroh bal mơ bơtau at bồ bol mê dê.”