Jôsue 24:19 - Sră Goh 2018

¹⁹ Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.

Jôsue 24:19 ပူးပေါင်းရင်းမြစ်များ

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Đơs Crih 99:3

Lòi bol khai jòng ro sơnđan Kơnràñ dê la sơnđan dờng ngan mơ pal rngòt ngan! Yàng la sàng goh!

Đơs Crih 99:5

Jòng ro tĕ Jehôwa Yàng Tom Trồ bol he dê, mơ duh khoai di kơrnòl jơng Kơnràñ dê. Yàng la sàng goh!

Đơs Crih 99:9

Jòng ro tĕ Jehôwa Yàng Tom Trồ bol he dê, Mơ duh khoai hơđang mơnơm sàng goh Kơnràñ dê; Bơh Jehôwa Yàng Tom Trồ bol he dê la sàng goh!

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Lik Ejiptơ 23:21

Ơn tĕ nùs tồr di khai mơ iat tĕ jơnau lơi khai đơs. Bañ tòmdră wơl mơ khai; khai rơp ò toh glài tòmdră mê dê ò, tài bơh Sơnđan Añ jê ơm tòm khai.

Lik Ejiptơ 34:14

Bañ duh khoai yàng lơi ndai, bơh Yàng Jehôwa gơs sơnđan la Ƀoah Pơrñat la Yàng Tom Trồ ƀoah pơrñat.

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

Esai 2:9

Behơ̆ kòn mơnus rơp kong tơnliah; bañ toh glài bol khai, ơ Yàng!

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Esai 30:15

Yàng Jehôwa la Bơtau Sàng Goh Israel dê neh đơs be do: “Tòm bơta rê wơl mơ ơm rlô, bol mê rơp geh dong klàs, tòm bơta ơm mŏ mŏ mơ gơn kơnòm, rơp la bơta pràn kơldang bol mê dê; mơya bol mê ò bài.

Esai 5:16

Mơya Yàng Jehôwa Gơnap Gơnoar Dờng rơp geh yò tơngguh bơh bơta song ngan, mơ Yàng Tom Trồ Sàng Goh rơp ràng tơlik să tòm Kơnràñ sàng goh bơh bơta song ring

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Lebi 11:44

Añ la Jehôwa Yàng Tom Trồ bol mê dê; ơn is tĕ sàng goh să tòm bol mê dê mơ gơlik gơs tĕ sàng goh, tài bơh Añ la sàng goh. Bañ lơh să tòm bol mê in gơlik gơs ò goh tài bơh dô nơm phan neh geh crơng gơs lơi wìn hơđang ù.

Lebi 11:45

Añ la Yàng Jehôwa, la Bơtau neh cèng bol mê lik bơh di Ejiptơ nàng lơh gơs Yàng Tom Trồ bol mê dê; gen tàng gơlik gơs tĕ sàng goh, tài bơh Añ la sàng goh.

Lebi 19:2

“Yal tĕ jơh mpồl jơnum Israel dê mơ đơs mơ bol khai lah: ‘Sàng goh tĕ tài bơh Añ Jehôwa Yàng Tom Trồ bol mê dê, la sàng goh.

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Lebi 20:7

Ơn is tĕ sàng goh să tòm bol mê dê tài bơh Añ la Jehôwa Yàng Tom Trồ bol mê dê.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Jôsue 24:18

Yàng Jehôwa neh ting bơtrơh bơh di đap bol hi jơh ală làng bol, làng bol Amôrit ơm tòm lơgar. Behơ̆ bol hi kung rơp duh broă Yàng Jehôwa, tài bơh Kơnràñ la Yàng Tom Trồ bol hi dê.”

Jôsue 24:23

Gen Jôsue đơs lah: “Behơ̆, tŭ do sang tĕ ală yàng lơgar bơdìh bơh digùl bol mê, mơ ơn nùs bol mê Yàng Jehôwa in la Yàng Tom Trồ Israel dê.”

Rutơ 1:15

Naômi đơs mơ Rutơ lah: “Ne, bi ai neh rê hơ làng bol mơ hơ ală yàng khai dê. Ai rê tĕ jat khai.”

I Samuel 3:14

Gen tàng Añ srat să mơ hìu Heli la tồi glài hìu Heli dê rơp ò gơs tŭ lơi geh tơwài wơl sùm sùm kơnòm di phan ơn duh khoai hala phan ơn.”

I Samuel 6:20

Gen ală làng bol Bet Semes đơs lah: “Ñcau rgơi ntào di đap mat Yàng Jehôwa la Yàng Tom Trồ sàng goh do taih? Kơnràñ rơp lòt tus hơ ñcau nàng bol he rgơi klàs bơh Kơnràñ taih?”