Jôsue 24:18 - Sră Goh 2018

¹⁸ Yàng Jehôwa neh ting bơtrơh bơh di đap bol hi jơh ală làng bol, làng bol Amôrit ơm tòm lơgar. Behơ̆ bol hi kung rơp duh broă Yàng Jehôwa, tài bơh Kơnràñ la Yàng Tom Trồ bol hi dê.”

Jôsue 24:18 ပူးပေါင်းရင်းမြစ်များ

Đơs Crih 116:16

Ơ Yàng Jehôwa, añ la cau duh broă Kơnràñ dê; Añ la cau duh broă Kơnràñ dê, kòn ùr kòn klau cau ùr duh broă Kơnràñ dê. Kơnràñ neh hồ che cap añ.

Lik Ejiptơ 10:2

tồ mê yal wơl ală kòn mơ sau mê in git mbe lơi Añ neh lơh bòl glar di cau Ejiptơ, mơ mbe lơi Añ neh lơh ală tềl is Añ jê digùl bol khai, nàng bol mê git lah Añ la Yàng Jehôwa.”

Lik Ejiptơ 15:2

Yàng Jehôwa la bơta pràn kơldang mơ la bơta đơs chò añ jê; Kơnràñ neh gơlik gơs bơta dong klàs añ jê. Kơnràñ la Yàng Tom Trồ añ jê, mơ añ rơp jòng ro Kơnràñ, Kơnràñ la Yàng Tom Trồ ồng pàng añ jê, añ rơp yò tơngguh Kơnràñ.

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Broă 7:45

Ồng pàng bol he dê neh dòp Hìu Ing Duh Khoai hơ̆, lồc behơ̆ lòt bal mơ Jôsue cèng tus hơ lơgar bol khai neh tòmpìt bơh di ală làng bol bơdìh mơ Yàng Tom Trồ neh bơtrơh tơlik bơh di đap bol khai; Hìu Ing Duh Khoai hơ̆ kư̆ gam gơs sùm jơl tus di rài Dabit,

Yal Wơl 10:21

Kơnràñ la bơta jòng ro bol mê dê, Kơnràñ la Yàng Tom Trồ bol mê dê, Kơnràñ neh lơh gơs ală bơta krơi is pal rngòt mơ bol mê neh gŏ mơ mat tòm bol mê dê.

Yal Wơl 33:27

Yàng Tom Trồ gam kis sùm sùm la tiah kìng crŭ mê dê, mơ hơđơm tiah hơ̆ gơs ală tơwòr tê gam sùm sùm. Kơnràñ rơp ting bơtrơh cau sò tơm mê dê bơh di đap mê, mơ đơs lah: ‘Tơnroh tĕ khai!’

Jôsue 23:9

Bơh Yàng Jehôwa neh ting bơtrơh bơh di đap bol mê ală làng bol dờng mơ pràn kơldang, ò gơs cau lơi rgơi ntào jai di đap bol mê jơl tus ngai do.

Jôsue 24:17

Bơh hơ̆ la să tòm Jehôwa Yàng Tom Trồ bol hi dê neh cèng bol hi mơ ală ồng pàng bol hi dê lik bơh Ejiptơ, bơh di lơgar bol hi ơm dĭ, mơ neh lơh ală bơta krơi di đap bol hi, Kơnràñ neh sền gàr bol hi tòm jơh gùng lòt bol hi dê, mơ digùl ală làng bol mơ bol hi neh lòt gan.

Jôsue 24:19

Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.