Jôsue 24:17 - Sră Goh 2018

¹⁷ Bơh hơ̆ la să tòm Jehôwa Yàng Tom Trồ bol hi dê neh cèng bol hi mơ ală ồng pàng bol hi dê lik bơh Ejiptơ, bơh di lơgar bol hi ơm dĭ, mơ neh lơh ală bơta krơi di đap bol hi, Kơnràñ neh sền gàr bol hi tòm jơh gùng lòt bol hi dê, mơ digùl ală làng bol mơ bol hi neh lòt gan.

Jôsue 24:17 ပူးပေါင်းရင်းမြစ်များ

II Yal Yau 13:10

Mơya đah mơ bol hi, Yàng Jehôwa la Yàng Tom Trồ bol hi dê, mơ bol hi ò sang lòi Kơnràñ. Bol hi gơs ală cau gơnoar ơn phan duh khoai duh broă Yàng Jehôwa, bol khai la ală kòn sau Arôn mơ gơs cau Lebi dong kòl bol khai.

Lik Ejiptơ 13:14

Tòm ală ngai rơp tus, tòm tŭ kòn klau bol mê dê lùp lah: ‘Bơta do gơs jơnau gơtha lơi taih?’ gen ho tĕ lah: ‘Hơ̆ la tài bơh Yàng Jehôwa neh ngui tê gơnoar pràn tă cèng bol he lik klàs bơh di Ejiptơ, bơh di lơgar ơm dĭ.

Lik Ejiptơ 13:3

Gen Môise đơs mơ làng bol lah: “Prap kah tĕ kirsơnre ngai do, la ngai bol mê lik klàs bơh di Ejiptơ, lik klàs bơh di lơgar ơm dĭ, tài bơh Yàng Jehôwa neh ngui tê gơnoar pràn tă bol mê lik klàs bơh hơ̆. Bañ sa phan lơi gơs kañ.

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Esai 46:4

Jơl tus di tŭ bol mê kra bồ kò sŏ, añ la bơtau, Añ la bơtau rơp àñ ơnòng bol mê. Añ neh tơnggơs bol mê mơ Añ rơp kơnđơt kơnđu bol mê; Añ àñ ơnòng bol mê mơ Añ rơp dong tă bol mê.

Yal Wơl 29:2

Môise hòi pơjum bal jơh ală cau Israel mơ đơs mơ bol khai lah: “Mat bol mê neh gŏ jơh ală broă mơ Yàng Jehôwa neh lơh tòm Ejiptơ di Pharaôn, di jơh ală cau kwang duh broă khai mơ jơh ù tiah lơgar khai dê.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

Yal Wơl 7:19

Bol mê neh sền gŏ mơ mat tòm bol mê dê ală bơta pơrlòng dờng ngan, ală bơta krơi tềl is, tê gơnoar pràn pò dờng mơ Jehôwa Yàng Tom Trồ bol mê dê neh ngui nàng cèng bol mê lik lòt bơh hơ̆. Jehôwa Yàng Tom Trồ bol mê dê kung rơp lơh behơ̆ gơwèt mơ jơh ală làng bol mơ tŭ do bol mê rngòt.

Jôsue 24:16

Gen làng bol ho lah: “Ò gơs tŭ lơi bol hi sang lòi Yàng Jehôwa nàng duh broă ală yàng ndai!

Jôsue 24:18

Yàng Jehôwa neh ting bơtrơh bơh di đap bol hi jơh ală làng bol, làng bol Amôrit ơm tòm lơgar. Behơ̆ bol hi kung rơp duh broă Yàng Jehôwa, tài bơh Kơnràñ la Yàng Tom Trồ bol hi dê.”