Jôsue 24:12 - Sră Goh 2018

¹² Añ neh sồr òng lòt lài mơ bol mê nàng ting bơtrơh bol khai bơh di đap bol mê, bal mơ bàr nă cau bơtau Amôrit dê; hơ̆ ò di bơh đào bol mê dê hala àtak bol mê dê.

Jôsue 24:12 ပူးပေါင်းရင်းမြစ်များ

Đơs Crih 135:11

Hơ̆ la Sihôn, bơtau làng bol Amôrit dê, Ôk bơtau Bassan dê, Mơ jơh ală cau bơtau at bồ lơgar Kanaan dê.

Đơs Crih 80:10

Mƀur gơ jơm gòm ală mơnơm, Mơ ală ntê gơ jơm ndơp ală chi pơnàng dờng;

Đơs Crih 80:9

Kơnràñ rcang niam ù gơ in, Gen gơ sro ryas jrô mơ gơ wìn làm jơh ù tiah.

Lik Ejiptơ 23:28

Añ rơp sồr òng kơnrơng lòt lài mơ mê nàng ting bơtrơh cau Hebit, cau Kanaan, cau Hetit dô pleh bơh di gùng mê dê.

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Khà Làng Bol 21:31

Behơ̆ Israel ơm tòm lơgar cau Amôrit dê.

Khà Làng Bol 21:32

Tơnơ̆ mơ tŭ Môise neh sồr ală cau rwang sền lơgar tus hơ Jajer, cau Israel tòmpìt ai ală ƀòn ơm gùt dar mơ ting bơtrơh cau Amôrit neh ơm tềng hơ̆.

Yal Wơl 31:4

Mơ Yàng Jehôwa rơp lơh di bol khai tòm toh kung be Kơnràñ neh lơh di Sihôn mơ Ok la ală cau bơtau cau Ammôn dê mơ Kơnràñ neh tơnroh bal mơ ù tiah lơgar bol khai dê.

Yal Wơl 4:46

mơ neh ơm tòm thòng rềp di Bet Pheor đah mattơngai lik Jordan dê, tòm lơgar Sihôn bơtau cau Amôrit dê, la bơtau at bồ tòm Hesbôn mơ neh kong ală cau Israel mơ Môise lơh alah tòm tŭ bol khai lik bơh di Ejiptơ.

Yal Wơl 4:47

Bol khai ai lơgar khai dê mơ lơgar Ok bơtau Basan dê lơh gơs sre brê, hơ̆ la bàr nă cau bơtau Amôrit ơm đah mattơngai lik Jordan dê.

Yal Wơl 7:20

Rlau mơ hơ̆, Jehôwa Yàng Tom Trồ bol mê dê rơp sồr ală òng tus digùl bol khai jơl tus di tŭ tơnroh jơh ală cau gam kis neh ntoat dô bơh di bol mê.

Jôsue 2:10

Bol hi neh kơno Yàng Jehôwa neh lơh Dàlềng Pơrhê gơlik rañ rsơh di đap ală ồng tòm tŭ ală ồng lik bơh lơgar Ejiptơ, mơ mbe ală ồng neh lơh mơ bàr nă bơtau làng bol Amôr ơm đah mattơngai lik hiòng Jordan la Sihôn mơ Ok, mơ ală ồng neh tơnroh jơh bol khai.