Jôsue 23:6 - Sră Goh 2018

⁶ Gen tàng kơ̆ nùs tĕ sền sơwì mơ dòn bơr lơh jat jơh ală bơta neh cih tòm Sră Bơta Boh lam Môise dê, bañ wèt đah ma hala đah kiau.

Jôsue 23:6 ပူးပေါင်းရင်းမြစ်များ

I Ală Bơtau 2:3

Prap gàr tĕ ală bơta Jehôwa Yàng Tom Trồ kòn dê neh sồr, lòt tĕ tòm gùng dà Kơnràñ dê, prap gàr ală bơta lơh nền mơ jơnau sồr Kơnràñ dê, bơta sồr lam mơ cơng tàng Kơnràñ dê, be neh cih tòm bơta Boh lam Môise dê, tồ kòn in geh bơtoah bơtoài tòm jơh ală bơta kòn lơh mơ tòm jơh ală tiah kòn lòt,

Đơs Crih 101:3

Añ rơp ò ơn bơta iơh rmơh lơi di đap mat añ; Añ gơjrañ kơuềng di broă cau tìs nrah, broă hơ̆ rơp ò gơđềt di añ.

Đơs Crih 119:102

Añ ò pơrlac sang jơnau gơnoar sồr Yàng dê, Bơh Kơnràñ neh bơto añ.

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 17:20

mơ ò di sền să tòm khai la niam rlau mơ ală oh mi khai dê, wèt ma kiau mơ sang bơta boh lam. Behơ̆ khai mơ kòn sau khai dê rơp at bồ jŏ jòng hơđang lơgar khai dê tòm Israel.”

Yal Wơl 28:14

mơ dilah bol mê pơrlac sang bơh di jơnau sồr lơi tòm ală jơnau sồr mơ añ ai bol mê in tòm ngai do mơ sĕ đah ma hala đah kiau, lòt jat ală yàng ndai mơ duh broă bol gơ.

Yal Wơl 5:32

Behơ̆ kơrhia tĕ lơh jat ală bơta mơ Jehôwa Yàng Tom Trồ bol mê dê neh sồr bol mê; bañ pơrlac wèt đah ma hala đah kiau.

Hebrơ 12:4

Oh mi tòmdră mơ tồi glài tian gơs òhềt hòr mhàm;

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”