Jôsue 23:16 - Sră Goh 2018

¹⁶ Dilah bol mê lơh tìs mơ bơta ho bal Jehôwa Yàng Tom Trồ bol mê dê mơ Kơnràñ neh ai jơnau gơnoar sồr bol mê in, mơ lòt duh broă ală yàng ndai mơ cùn khoai di đap bol gơ, gen bơta gơjrañ dờng Yàng Jehôwa dê rơp gơhào khuh di bol mê, mơ bol mê rơp gơkòl tơnroh mhar bơh di lơgar niam mơnĕ mơ Kơnràñ neh ai bol mê in.”

Jôsue 23:16 ပူးပေါင်းရင်းမြစ်များ

I Ală Bơtau 14:15

Yàng Jehôwa rơp pòng lơh Israel, be dô nơm tòm proh ơwañ tòm dà, Kơnràñ rơp dus Israel bơh lơgar niam do mơ Kơnràñ neh ai ồng pàng bol khai in, mơ sơmprih bol khai đah ne hiòng Ơphrat, tài bơh bol khai neh bơtào jrong Asera, bơrcek Yàng Jehôwa gơjrañ.

I Ală Bơtau 9:6

Mơya dilah mê mơ kòn sau bol mê wơlke bơh Añ, ò prap gàr ală bơta sồr lam mơ bơta boh lam mơ Añ neh ơn di đap mê; mơya lòt duh broă ală yàng ndai mơ duh khoai bol gơ,

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Ală Bơtau 17:7

Broă do gơlik gơs bơh làng bol Israel neh tìs glài tòmdră mơ Jehôwa Yàng Tom Trồ bol khai dê, la Bơtau neh tă bol khai lik bơh lơgar Ejiptơ, bơh tê Pharaôn bơtau Ejiptơ dê. Bol khai neh duh khoai ală yàng ndai,

II Ală Bơtau 24:20

Bơh Jerusalem mơ làng bol Juda neh lơh Yàng Jehôwa in gơhào gơjrañ, tian gơs Kơnràñ bơtrơh tơlik bol khai bơh di đap mat Kơnràñ. Jedekia pơrlơ̆ dră di bơtau Babilôn.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Khà Làng Bol 33:56

Mơ Añ rơp lơh gơwèt mơ bol mê jat be bơta Añ neh lơh nền nàng lơh di bol khai.”

Yal Wơl 17:3

duh khoai ală yàng ndai, mơ cùn khoai bol gơ hala mattơngai hala mat kơnhai hala ală sơmañ hơđang trồ, la ală bơta añ ò sồr,

Yal Wơl 28:15

Mơya dilah bol mê ò dòn bơr Jehôwa Yàng Tom Trồ bol mê dê mơ ò kơrhia lòt jat jơh ală jơnau sồr mơ bơta lơh nền Kơnràñ dê mơ añ ai bol mê in tòm ngai do, gen jơh ală jơnau srat sơntơm do rơp tus hơđang bol mê mơ kup sơmbat bol mê:

Yal Wơl 6:15

bơh Jehôwa Yàng Tom Trồ bol mê dê, Bơtau ơm digùl bol mê, la Yàng Tom Trồ ƀoah pơrñat mơ bơta gơjrañ dờng Kơnràñ dê rơp gơhào khuh tòmdră mơ bol mê, mơ Kơnràñ rơp tơnroh bol mê bơh di hơđang ù.

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 2:20

Tài bơh hơ̆ tàng Yàng Jehôwa gơjrañ ngan di Israel mơ đơs lah: “Tài bơh làng bol do neh tìs mơ bơta ho bal mơ Añ neh lơh mơ ală ồng pàng bol khai dê, mơ ò iat jơnau Añ;

I Samuel 12:25

Mơya dilah bol mê kư̆ lơh bơta iơh bơsak, gen bol mê rơp gơkòl tơnroh bal mơ bơtau at bồ bol mê dê.”