Jôsue 23:15 - Sră Goh 2018

¹⁵ Mơya kung be kòp jơnau ho pơgon niam Jehôwa Yàng Tom Trồ bol mê dê neh gơlik di ngan bol mê in, gen Yàng Jehôwa kung rơp tơndùh hơđang bol mê jơh ală bơta iơh mơ Kơnràñ neh đơs pơhìn bol mê, jơl tus di tŭ Kơnràñ neh tơnroh bol mê bơh di lơgar niam do mơ Jehôwa Yàng Tom Trồ bol mê dê neh ai bol mê in.

Jôsue 23:15 ပူးပေါင်းရင်းမြစ်များ

I Ală Bơtau 14:15

Yàng Jehôwa rơp pòng lơh Israel, be dô nơm tòm proh ơwañ tòm dà, Kơnràñ rơp dus Israel bơh lơgar niam do mơ Kơnràñ neh ai ồng pàng bol khai in, mơ sơmprih bol khai đah ne hiòng Ơphrat, tài bơh bol khai neh bơtào jrong Asera, bơrcek Yàng Jehôwa gơjrañ.

I Ală Bơtau 8:56

“Pal jòng ro Yàng Jehôwa, la bơtau neh ai bơta rlô lơngap lơngai làng bol Israel Kơnràñ in, jat be ală jơnau Kơnràñ neh ho! Bơh ală jơnau niam mơ Kơnràñ neh ho mơ dĭ gơna Kơnràñ dê la Môise, ò gơs dô jơnau lơi ò gơlik di ngan ò.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 32:42

Yàng Jehôwa đơs: ‘Kung be Añ neh cèng bơta rung rài dờng hơđang làng bol do kàr lơi, gen Añ kung rơp dùh ală bơta lơngai lơngò Añ neh ho mơ bol khai.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Lebi 26:3

Dilah bol mê lòt jat ală bơta sồr lam Añ jê mơ kơrhia lơh jat ală jơnau sồr Añ jê,

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.

Ală Kwang Cahrña 13:1

Làng bol Israel lơh bơta iơh bơsak tai di đap Yàng Jehôwa, gen Yàng Jehôwa jào phi bol khai tòm tê cau Philistin tòm poan jơt nam.

Ală Kwang Cahrña 3:12

Làng bol Israel lơh ală bơta iơh bơsak tai di đap Yàng Jehôwa, gen Yàng Jehôwa lơh Eglôn bơtau Môap gơlik pràn kơldang tòmdră mơ Israel, tài bơh bol khai neh lơh ală bơta iơh bơsak di đap Yàng Jehôwa.

Ală Kwang Cahrña 3:8

Gen tàng, bơta gơjrañ dờng Yàng Jehôwa dê gơhào khuh tòmdră mơ Israel, mơ Kơnàñ neh tac bol khai tòm tê cau bơtau Aram Naharaim la Kusan Risathaim, mơ Israel duh broă bơtau hơ̆ tòm phàm nam.

Ală Kwang Cahrña 6:1

Làng bol Israel lơh bơta iơh bơsak tai di đap Yàng Jehôwa, gen Kơnràñ jào bol khai tòm tê làng bol Midian tòm poh nam.