Jôsue 23:14 - Sră Goh 2018

¹⁴ Tŭ do añ rơp lòt gùng mơ jơh dunnia pal lòt. Bol mê git tòm nùs tòm hwềng bol mê dê, tòm jơh ală jơnau ho pơgon niam mơ Jehôwa Yàng Tom Trồ bol mê dê neh ai bol mê in, ò gơs dô jơnau lơi ò gơlik tòm toh. Kòp jơnau ho pơgon neh gơlik di ngan bol mê in, ò gơs jơnau lơi ò gơlik tòm toh.

Jôsue 23:14 ပူးပေါင်းရင်းမြစ်များ

Sơnròp Gơlik Gơs 47:29

Mòr tus dê tŭ Israel chơt, khai hòi Jôsep kòn klau khai dê mơ đơs lah: “Dilah añ geh bơta nđàc di đap mê dan ơn tĕ tê dê bơnô añ, dan dòn song mơ lơh niam tòm toh be jơnau añ, dan bañ tơp añ tòm ù Ejiptơ.

I Ală Bơtau 2:2

“Añ mòr lòt tòm gùng jơh kòn mơnus pal lòt. Lơh tĕ pràn kơldang, lơh khin cha tĕ!

I Ală Bơtau 8:56

“Pal jòng ro Yàng Jehôwa, la bơtau neh ai bơta rlô lơngap lơngai làng bol Israel Kơnràñ in, jat be ală jơnau Kơnràñ neh ho! Bơh ală jơnau niam mơ Kơnràñ neh ho mơ dĭ gơna Kơnràñ dê la Môise, ò gơs dô jơnau lơi ò gơlik di ngan ò.

Sră Jop 30:23

Añ git lah Yàng rơp cèng añ hơ bơta chơt, mơ tus hơ hìu neh lơh nền jơh ală cau kis in.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Cau Bơto 12:5

Cau rngòt rngơt tòm tŭ guh hơđang tiah jơnhoa, mơ kìr rngòt tòm tŭ lòt gùng; tŭ hơ̆ chi gus gơlik bơkào, srah nting cơnđòa lòt kơnjơ̆ kơnjut, mơ bơta kơp kòñ ò gam tai; Tài bơh jơh tơl nă cau pal lòt tus hơ hìu gam sùm sùm bol khai dê, ai ală cau ñìm ƀồc lòt gùt dar tòm gùng.

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Luka 21:33

Trồ tiah rơp roh, mơya jơnau đơs Añ jê ò gơs tŭ lơi roh.

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.