Jôsue 23:13 - Sră Goh 2018

¹³ gen bol mê rơp git nền lah Jehôwa Yàng Tom Trồ bol mê dê rơp ò tai ting bơtrơh ală làng bol do bơh di đap bol mê; mơya bol khai rơp kung be dă pơt mơ bơtơng dang kup bol mê, kung be gai pù di ngkòi bol mê, mơ kung be lò tòm gar mat bol mê, jơl tus di tŭ bol mê gơkòl tơnroh bơh di lơgar hàng mơnĕ do mơ Jehôwa Yàng Tom Trồ bol mê dê neh ai bol mê in.

Jôsue 23:13 ပူးပေါင်းရင်းမြစ်များ

I Ală Bơtau 11:4

Bơh tòm tŭ Salômôn neh kra, ală bau ùr lơh nùs khai wèt hơ ală yàng ndai; Mơ nùs khai ò song mơ Jehôwa Yàng Tom Trồ khai dê, be nùs Dabit bèp khai.

II Ală Bơtau 17:18

Gen tàng, Yàng Jehôwa gơhào gơjrañ ngan di làng bol Israel, mơ bơtrơh tơlik bol khai bơh di đap mat Kơnràñ; mìng gam wơl jơi bơtiàn Juda lơm.

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

II Ală Bơtau 25:21

Bơtau Babilôn sồr tơnchơt bol khai tòm Ripla, tòm tiah Hamat. Behơ̆, cau Juda kong kup cèng lik bơh lơgar tòm bol khai dê.

II Ală Bơtau 25:26

Jơh làng bol, bơh cau dềt tus di cau dờng, mơ jơh ală kwang at bồ ling lik lòt tus hơ lơgar Ejiptơ, tài bơh bol khai rngòt di cau Kalde.

Đơs Crih 69:22

Dan lơh cơnòng ñô sa di đap bol khai gơlik gơs dô nơm dă; Dan lơh bơta pơjum sa duh khoai bol khai dê gơlik gơs dô nơm bơtơng.

Lik Ejiptơ 10:7

Ală cau kwang duh broă Pharaôn đơs mơ khai lah: “Cau do rơp gơlơh kung be dô nơm dă gơwèt mơ bol he jơl tus di tŭ lơi taih? Lòi tĕ làng bol hơ̆ in lik lòt, nàng bol khai duh khoai Jehôwa Yàng Tom Trồ bol khai dê. Bơtau òhềt đal git lah lơgar Ejiptơ kong tơnroh ò ơ?”

Lik Ejiptơ 23:33

Bañ lòi bol khai ơm kis tòm lơgar bol mê dê, rngòt bol khai rơp lơh kai bol mê in tìs glài tòmdră mơ Añ tài bơh bơta duh khoai ală yàng bol khai dê, ngan gơ rơp gơlik dô nơm dă bol mê in.

Lik Ejiptơ 34:12

Kơrhia tĕ, bañ bơtào bơta ho bal mơ cau ơm tòm lơgar mơ mê rơp mut, rngòt bol khai gơlik gơs dô nơm dă digùl bol mê.

Lik Ejiptơ 34:16

Mơ tòm tŭ bol mê sac rwah dô êt nă kòn ùr bol khai dê lơh gơs bau ală kòn klau bol mê in, mơ ală kòn ùr hơ̆ să tòm bol khai tòmtir mơ ală yàng bol khai dê, bol khai lam ală kòn klau bol mê dê lơh jat kung be bol khai.

Ejekiel 28:24

Hìu Israel dê rơp ò jòi bàn lò jơrmơng hala lò mrơt lơi tai digùl ală làng bol ơm rềp bol khai dê, la ală làng bol òs lơh di bol khai dô bă òsơp òso. Gen bol khai rơp git lah Añ la Jehôwa Yàng Tom Trồ.’”

Khà Làng Bol 33:55

Mơya dilah bol mê ò ting bơtrơh ală cau neh ơm tòm lơgar, ală cau mơ bol mê lòi ơm wơl tòm lơgar rơp gơlik gơs kung be lò tòm gar mat bol mê dê mơ kung be srồng srơp di wĕ bol mê dê. Bol khai rơp lơh bol mê in bòl glar kalke tòm lơgar mơ bol mê rơp mut ơm.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Yal Wơl 29:28

Tòm bơta gơjrañ dờng mơ gơhào khuh Kơnràñ dê, Yàng Jehôwa neh dus tă bol khai bơh di ù tiah bol khai dê mơ sang sơrbì bol khai tòm dô nơm lơgar ndai be neh gơs tòm ngai do.”

Yal Wơl 30:18

Añ yal loh bol mê in tòm ngai do bol mê pal kong roh rui; bol mê rơp ò kis jŏ jòng tòm lơgar mơ bol mê rơp tiă Jordan nàng mut mơ dòp geh sre brê.

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Yal Wơl 7:16

Bol mê pal tơnroh jơh ală làng bol mơ Yàng Jehôwa jào tòm tê bol mê dê. Bañ gơs nùs nđàc sơngit di bol khai mơ bañ duh khoai ală yàng bol khai dê, bơh bơta hơ̆ rơp kung be dô nơm dă bol mê in.

II Timôthe 2:26

mơ bol khai git kah nàng dong he lik klàs bơh dă cà ràk kup nàng lơh jat nùs kòñ gơ dê.

Ală Kwang Cahrña 2:21

gen Añ rơp ò tai bơtrơh bơh di đap bol khai ală làng bol lơi mơ Jôsue neh lòi wơl tòm tŭ khai neh chơt.