Jôsue 23:12 - Sră Goh 2018

¹² Mơya dilah bol mê wèt wơl mơ lơh gơtòmsòr bal mơ ală làng bol do gam kis mơ ơm digùl bol mê, mơ dilah bol mê lap klau tòmbau ùr mơ bol khai mơ lơh gơs dô bă bal mơ bol khai,

Jôsue 23:12 ပူးပေါင်းရင်းမြစ်များ

Sơnròp Gơlik Gơs 2:24

Tài behơ̆, cau klau rơp lik bơh mè bèp mơ đềt mềr mơ bau ùr he dê, mơ bàr nă gơlik gơs dô nơm poac bal.

Sơnròp Gơlik Gơs 34:3

Nùs nhơm khai gơđềt mơ Dina, kòn ơruh Jakôp; khai kòñ gơboh di cau ơruh hơ̆, mơ ai jơnau niam đơs mơ khai.

I Ală Bơtau 11:2

Bơh ală làng bol mơ Yàng Jehôwa neh đơs mơ cau Israel lah: “Bol mê mơ bañ lap klau tòmbau ùr mơ bol khai; bol khai kung ò bau mơ bol mê sơl; bơh bol khai rơp tơnwèt nùs bol mê jat ală yàng bol khai dê.” Mơya Salômôn kư̆ mềr gơboh ală cau ùr hơ̆.

I Ală Bơtau 11:4

Bơh tòm tŭ Salômôn neh kra, ală bau ùr lơh nùs khai wèt hơ ală yàng ndai; Mơ nùs khai ò song mơ Jehôwa Yàng Tom Trồ khai dê, be nùs Dabit bèp khai.

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Ejekiel 18:24

Mơya dilah dô nă cau song ring pơrlac wơl bơh di bơta song ring khai dê mơ tìs glài, mơ lơh ală bơta cù kìr ndròm bal be cau iơh bơsak lơh gen khai rơp geh kis sơl? Ò gơs dô nơm broă song ring lơi khai neh lơh rơp geh kah wơl. Tài bơh bơta ò dòn song gen khai kong lơh nền glài, mơ tài bơh tồi glài khai neh tìs gen khai rơp chơt.’

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Mathiơ 12:45

gen gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr. Jơi bơtiàn iơh bơsak do kung rơp behơ̆ sơl.”

Jang 6:66

Bơh tŭ hơ̆, gơs oă cau bơtê Kơnràñ dê ruc wơl, ò lòt jat Kơnràñ tai.

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Yal Wơl 6:15

bơh Jehôwa Yàng Tom Trồ bol mê dê, Bơtau ơm digùl bol mê, la Yàng Tom Trồ ƀoah pơrñat mơ bơta gơjrañ dờng Kơnràñ dê rơp gơhào khuh tòmdră mơ bol mê, mơ Kơnràñ rơp tơnroh bol mê bơh di hơđang ù.

Yal Wơl 7:3

Bañ lap klau tòmbau ùr mơ bol khai. Bañ ai ală kòn ùr bol mê dê bau mơ ală kòn klau bol khai dê hala ai ală kòn ùr bol khai dê bau mơ ală kòn klau bol mê dê,

Yal Wơl 7:4

bơh bol khai rơp pơrlac ngài ală kòn sau bol mê dê ò lòt jat Añ tai; mơ rơp duh khoai ală yàng ndai, mơ bơta gơjrañ Yàng Jehôwa dê rơp gơhào khuh tòmdră mơ bol mê mơ rơp tơnroh bol mê mhar ngan.

Jôsue 23:11

Gen tàng, kơrhia tĕ nàng kòñ gơboh di Jehôwa Yàng Tom Trồ bol mê dê.

I Jang 2:9

Cau lơi đơs lah he ơm tòm bơta àng, mơ gơjrañ kơuềng di oh mi he, gen gam ơm tòm bơta klam jơngo.

Ală Kwang Cahrña 14:3

Mè bèp khai ho lah: “Digùl jơi bơtiàn mê dê hala digùl jơh làng bol bol he dê ò gơs dô nă cau ùr lơi, tàng mê pal lòt bau mơ dô nă cau làng bol Philistin ò kong siat gơltau ne ơ?” Mơya Samsôn đơs mơ bèp khai lah: “Dan lùp cau ùr hơ̆ añ in; khai niam nùs añ ngan.”

Ală Kwang Cahrña 3:6

Bol khai bau mơ ală kòn ùr làng bol hơ̆, mơ bol khai tòmbau ală kòn ùr bol khai dê mơ ală kòn klau làng bol hơ̆ dê, mơ duh khoai ală yàng bol hơ̆ dê.