Jôsue 22:33 - Sră Goh 2018

³³ Bol khai yal wơl ală jơnau yal niam nùs cau Israel mơ jòng ro Yàng Tom Trồ. Mơ bol khai ò đơs bơh bơta tòmlơh tai nàng tơnroh ù tiah cau Ruben mơ cau Gat ơm.

Jôsue 22:33 ပူးပေါင်းရင်းမြစ်များ

I Yal Yau 29:20

Gen Dabit đơs mơ jơh dô mpồl jơnum lah: “Jòng ro Jehôwa Yàng Tom Trồ bol mê dê.” Behơ̆ jơh tơl nă bol khai jòng ro Jehôwa Yàng Tom Trồ ală ồng pàng bol khai dê; bol khai kun bồ mơ tơmbic să di đap Yàng Jehôwa mơ bơtau.

Jơnau Pơnđik 25:25

Jơnau niam bơh lơgar ngài tus, tòm toh be dà mrềt cau tơhìr in.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Luka 2:28

gen khai kơnđu kòn dềt mơ jòng ro Yàng Tom Trồ lah:

Broă 15:12

Jơh mpồl jơnum dờng ơm mŏ mŏ iat jơnau Banaba mơ Pol yal wơl ală bơta krơi tềl is mơ Yàng Tom Trồ neh ngui bàr nă ồng lơh gơs digùl làng bol bơdìh.

Broă 15:31

Tơnơ̆ mơ tŭ sền sră pơyoa rau, bol khai hòn chò bơh jơnau bơto pơndòm hơ̆.

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Jôsue 22:30

Tòm tŭ cau gơnoar ơn phan duh khoai Phineas, ală cau kwang at bồ mpồl jơnum, mơ ală cau at bồ ală mpồl Israel kơno jơnau cau Ruben, cau Gat, mơ cau Manase đơs, gen gơlơh niam nùs bol khai.

Jôsue 22:32

Gen Phineas, kòn klau cau gơnoar ơn phan duh khoai Eleajar, bal mơ ală cau kwang at bồ lik bơh bơta pơjum mơ cau Ruben, mơ cau Gat tòm Galaat, rê wơl hơ Kanaan, mơ yal wơl làng bol Israel in ală bơta neh gơlik gơs.