Jôsue 22:31 - Sră Goh 2018

³¹ Gen Phineas, kòn klau cau gơnoar ơn phan duh khoai Eleajar đơs mơ cau Ruben, cau Gat, mơ cau Manase lah: “Ngai do bol hi git lah Yàng Jehôwa ơm bal mơ bol he, tài bơh oh mi ò lơh dô bă ò dòn song gơwèt mơ Yàng Jehôwa tòm bơta do; behơ̆ oh mi neh dong làng bol Israel klàs bơh di tê Yàng Jehôwa.”

Jôsue 22:31 ပူးပေါင်းရင်းမြစ်များ

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

Ejra 7:5

Buki kòn klau Abisua, Abisua kòn klau Phineas, Phineas kòn klau Eleajar, Eleajar kòn klau Arôn la cau gơnoar dờng ơn phan duh khoai,

Đơs Crih 68:17

Rơndeh ơseh Yàng Tom Trồ dê la bàr jơt rbô nơm, rbô rbô nơm; Yàng lòt bal mơ ală rơndeh hơ̆ bơh Sinai tus hơ tiah sàng goh.

Lik Ejiptơ 25:8

Gen sồr bol khai lơh Añ in dô nơm Hìu Duh Khoai Sàng Goh, nàng Añ rơp ơm digùl bol khai.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

I Kôrintô 14:25

Bơta ndơp ndơr tòm nùs bol khai geh ràng tơlik, gen bol khai rơp blup mat mơ duh khoai Yàng Tom Trồ mơ đơs lah: “Ngan gơs Yàng Tom Trồ digùl oh mi.”

Jôsue 22:30

Tòm tŭ cau gơnoar ơn phan duh khoai Phineas, ală cau kwang at bồ mpồl jơnum, mơ ală cau at bồ ală mpồl Israel kơno jơnau cau Ruben, cau Gat, mơ cau Manase đơs, gen gơlơh niam nùs bol khai.

Jôsue 22:32

Gen Phineas, kòn klau cau gơnoar ơn phan duh khoai Eleajar, bal mơ ală cau kwang at bồ lik bơh bơta pơjum mơ cau Ruben, mơ cau Gat tòm Galaat, rê wơl hơ Kanaan, mơ yal wơl làng bol Israel in ală bơta neh gơlik gơs.

Jôsue 3:10

Bơh bơta do bol mê rơp git Yàng Tom Trồ la Bơtau kis gam sùm sùm ơm digùl bol mê, mơ ngan la Kơnràñ rơp ting bơtrơh bơh di đap bol mê làng bol Kanaan, làng bol Hetit, làng bol Hebit, làng bol Pherijit, làng bol Girgasit, làng bol Amôrit mơ làng bol Jebusit: