Jôsue 22:28 - Sră Goh 2018

²⁸ Mơ bol hi đơs lah: ‘Dilah tŭ lơi bol khai đơs bơta hơ̆ mơ bol hi hala mơ kòn sau bol hi dê, gen bol hi rơp ho lah: Sền tĕ rùp să cơnòng duh khoai Yàng Jehôwa dê, mơ ồng pàng bol hi neh bơt, hơ̆ ò di bơt nàng ơn phan duh khoai chu pơrguc hala nàng ơn phan ơn duh khoai ò, mơya nàng lơh gơs dô nơm phan lơh cơng digùl bol hi mơ oh mi.’

Jôsue 22:28 ပူးပေါင်းရင်းမြစ်များ

Sơnròp Gơlik Gơs 31:48

Laban đơs lah: “Ngai do bơrtul lŭ do lơh cơng digùl añ mơ mê.” Gen bol khai sơnđan gơ la Galet.

II Ală Bơtau 16:10

Gen Ahas lòt tus hơ Damas nàng rò Tilglat Pileser, bơtau Asiri. Ahas gŏ dô nơm cơnòng duh khai tòm Damas, gen Ahas pơyoa cau gơnoar ơn phan duh khoai Uria in rùp cih wơl cơnòng duh khoai hơ̆ jat be bơta cau neh lơh gơ, tòm toh be ală pơnah neh gơs gơ dê.

Lik Ejiptơ 25:40

Behơ̆, mê pal lơh jơh ală phan hơ̆ tòm toh jat be sơnoa rnoas neh sơnio mê in hơđang mơnơm.”

Esai 19:19

Tòm ngai hơ̆ rơp gơs dô nơm cơnòng duh khoai Yàng Jehôwa in digùl lơgar Ejiptơ, mơ dô nơm jrong Yàng Jehôwa in di nhàr lơgar.

Hebrơ 8:5

Bol hơ̆ duh broă jat sơnoa rnoas mơ rùp ală bơta hơđang trồ dê, be Môise tòm tŭ khai rơp bơtào gơs Hìu Ing Duh Khoai, gen geh Yàng Tom Trồ nting mơ khai lah: “Kơrhia tĕ, lơh jơh ală bơta jat sơnoa rnoas neh sơnio mê in hơđang mơnơm.”

Jôsue 22:27

Mơya, hơ̆ la nàng lơh cơng digùl bol hi mơ oh mi, digùl ală kòn sau tòm ală rài tơnơ̆ lah bol hi rơp duh khoai Yàng Jehôwa mơ ơn phan duh khoai chu pơrguc, phan ơn duh khoai mơ phan ơn duh khoai ring lơngai tòm hìu duh khoai Kơnràñ dê. Gen tòm ngai tơnơ̆ ală kòn sau oh mi dê rơp ò tŭ lơi đơs mơ ală kòn sau bol hi dê lah: ‘Bol mê ò gơs pơnah lơi tòm Yàng Jehôwa.’

Jôsue 22:29

Bol hi ò gơs tŭ lơi kòñ tòmdră mơ Yàng Jehôwa mơ sang lòi Kơnràñ tòm ngai do mơ bơt dô nơm cơnòng duh khoai ndai nàng ơn phan duh khoai chu pơrguc, ơn phan ơn duh khoai mơ kòi mbo, hala ơn phan ơn duh khoai, rlau mơ cơnòng duh khoai Jehôwa Yàng Tom Trồ bol he dê ơn di đap Hìu Ing Duh Khoai Kơnràñ dê.”

Jôsue 24:27

Gen Jôsue đơs mơ làng bol lah: “Sền tĕ, pơnai lŭ do rơp lơh cơng bol he in. Gơ neh kơno jơh ală jơnau Yàng Jehôwa neh đơs mơ bol he. Gơ rơp lơh cơng tòmdră di bol mê dilah bol mê ò ơm song mơ Yàng Tom Trồ bol mê dê.”