Jôsue 22:27 - Sră Goh 2018

²⁷ Mơya, hơ̆ la nàng lơh cơng digùl bol hi mơ oh mi, digùl ală kòn sau tòm ală rài tơnơ̆ lah bol hi rơp duh khoai Yàng Jehôwa mơ ơn phan duh khoai chu pơrguc, phan ơn duh khoai mơ phan ơn duh khoai ring lơngai tòm hìu duh khoai Kơnràñ dê. Gen tòm ngai tơnơ̆ ală kòn sau oh mi dê rơp ò tŭ lơi đơs mơ ală kòn sau bol hi dê lah: ‘Bol mê ò gơs pơnah lơi tòm Yàng Jehôwa.’

Jôsue 22:27 ပူးပေါင်းရင်းမြစ်များ

Sơnròp Gơlik Gơs 31:48

Laban đơs lah: “Ngai do bơrtul lŭ do lơh cơng digùl añ mơ mê.” Gen bol khai sơnđan gơ la Galet.

Sơnròp Gơlik Gơs 31:52

Bơrtul lŭ do mơ jrong do lơh cơng lah añ ò lòt sơrlèt bơh tềng do mơ tus hơ mê, mơ mê kung ò lòt sơrlèt bơh tềng do mơ lòt tus hơ añ tòm tŭ bol he kòñ lơh iơh bal.

Đơs Crih 16:5

Yàng Jehôwa la pơnah añ sac rwah mơ la mơngàn añ jê; Kơnràñ prap gàr pơnah phan mơna añ jê.

Esai 19:19

Tòm ngai hơ̆ rơp gơs dô nơm cơnòng duh khoai Yàng Jehôwa in digùl lơgar Ejiptơ, mơ dô nơm jrong Yàng Jehôwa in di nhàr lơgar.

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Jôsue 22:10

Tòm tŭ bol khai tus hơ Gêlilôt rềp hiòng Jordan tòm lơgar Kanaan gen cau Ruben, cau Gat, mơ nggùl jơi bơtiàn cau Manase bơt bơtào dô nơm cơnòng duh khoai dờng ngan di gah hiòng Jordan.

Jôsue 22:26

Tài bơh hơ̆ tàng bol hi neh đơs lah: ‘Bol he bơt tĕ dô nơm cơnòng duh khoai, ò di nàng ơn phan duh khoai chu pơrguc hala ơn ală phan ơn duh khoai.’

Jôsue 22:28

Mơ bol hi đơs lah: ‘Dilah tŭ lơi bol khai đơs bơta hơ̆ mơ bol hi hala mơ kòn sau bol hi dê, gen bol hi rơp ho lah: Sền tĕ rùp să cơnòng duh khoai Yàng Jehôwa dê, mơ ồng pàng bol hi neh bơt, hơ̆ ò di bơt nàng ơn phan duh khoai chu pơrguc hala nàng ơn phan ơn duh khoai ò, mơya nàng lơh gơs dô nơm phan lơh cơng digùl bol hi mơ oh mi.’

Jôsue 22:34

Behơ̆ cau Ruben mơ cau Gat sơnđan cơnòng duh khoai hơ̆ la: “Dô bơta Lơh Cơng digùl bol hi mơ Jehôwa la Yàng Tom Trồ.”

Jôsue 24:27

Gen Jôsue đơs mơ làng bol lah: “Sền tĕ, pơnai lŭ do rơp lơh cơng bol he in. Gơ neh kơno jơh ală jơnau Yàng Jehôwa neh đơs mơ bol he. Gơ rơp lơh cơng tòmdră di bol mê dilah bol mê ò ơm song mơ Yàng Tom Trồ bol mê dê.”

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”