Jôsue 22:25 - Sră Goh 2018

²⁵ Yàng Jehôwa neh ai hiòng Jordan lơh gơs nhàr digùl bol hi mơ bol mê. Ơ kòn sau Ruben, kòn sau Gat, bol mê ò gơs pơnah lơi tòm Yàng Jehôwa ò.’ Behơ̆ ală kòn sau oh mi dê rơp lơh ală kòn sau bol hi dê ò gam duh khoai Yàng Jehôwa.

Jôsue 22:25 ပူးပေါင်းရင်းမြစ်များ

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

I Ală Bơtau 14:16

Kơnràñ rơp lơh glài Israel tài bơh glài Jerôbôam dê, hơ̆ la glài khai neh tìs mơ glài khai neh lơh Israel in tìs glài.”

I Ală Bơtau 15:30

tài bơh tồi glài Jerôbôam neh tìs lơh cau Israel tìs glài sơl, mơ tài bơh bơta gơjrañ khai neh bơrcek Jehôwa Yàng Tom Trồ Israel dê.

Nehemi 2:20

Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Đơs Crih 16:5

Yàng Jehôwa la pơnah añ sac rwah mơ la mơngàn añ jê; Kơnràñ prap gàr pơnah phan mơna añ jê.

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.

Jôsue 22:24

Ò di behơ̆ ò, bol hi lơh bơta hơ̆ la tài bơh bol hi rngòt tòm ngai tơnơ̆ ală kòn sau oh mi dê rơp đơs mơ kòn sau bol hi lah: ‘Ñchi bơta bol mê neh lơh gơwèt mơ Jehôwa Yàng Tom Trồ Israel dê taih?

Jôsue 22:26

Tài bơh hơ̆ tàng bol hi neh đơs lah: ‘Bol he bơt tĕ dô nơm cơnòng duh khoai, ò di nàng ơn phan duh khoai chu pơrguc hala ơn ală phan ơn duh khoai.’

Jôsue 22:27

Mơya, hơ̆ la nàng lơh cơng digùl bol hi mơ oh mi, digùl ală kòn sau tòm ală rài tơnơ̆ lah bol hi rơp duh khoai Yàng Jehôwa mơ ơn phan duh khoai chu pơrguc, phan ơn duh khoai mơ phan ơn duh khoai ring lơngai tòm hìu duh khoai Kơnràñ dê. Gen tòm ngai tơnơ̆ ală kòn sau oh mi dê rơp ò tŭ lơi đơs mơ ală kòn sau bol hi dê lah: ‘Bol mê ò gơs pơnah lơi tòm Yàng Jehôwa.’

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’