Jôsue 22:23 - Sră Goh 2018

²³ Dilah bol hi bơt dô nơm cơnòng duh khoai is bol hi in nàng sang lòi Yàng Jehôwa; hala dilah bol hi lơh behơ̆ nàng ơn phan duh khoai chu pơrguc, hala ơn phan duh khoai mơ kòi mbo, hala ơn phan duh khoai ring lơngai hơđang hơ̆, gen dan să tòm Yàng Jehôwa lơh glài bol hi.

Jôsue 22:23 ပူးပေါင်းရင်းမြစ်များ

Sơnròp Gơlik Gơs 9:4

Mơ bol mê bañ sa poac gam gơs bơta kis, hơ̆ la mhàm gơ.

II Yal Yau 24:22

Bơtau Jôas ò kah bơta niam mơ Jehôyada bèp Sacari neh lơh khai in, mơya neh tơnchơt kòn klau khai dê; tòm tŭ gơpừ bic tòm tiah mòr chơt, khai đơs lah: “Dan Yàng Jehôwa sền gŏ bơta do mơ tơm wơl bol mê in jat bơta bol mê neh lơh.”

Ejekiel 3:18

Dilah Añ đơs mơ dô nă cau iơh bơsak lah: ‘Mê ngan rơp chơt,’ mơ mê ò bơto pơhìn khai hala đơs mơ khai nàng bơto kơryan khai bơh di ală gùng iơh khai dê tồ dong klàs bơta kis khai dê, gen cau iơh bơsak hơ̆ rơp chơt bơh tồi glài khai dê; mơ Añ rơp kup mê kong glài bơh mhàm cau hơ̆.

Ejekiel 33:6

Mơya dilah cau drơng kơp gàr gŏ đào tus mơ ò uh kơlwòk nàng yal tơnggit lài làng bol in, mơ đào tus tơnroh bơta kis dô êt nă cau tòm bol khai, gen ală cau hơ̆ rơp kong chơt tài bơh tồi glài bol khai dê; mơya Añ rơp lùp mhàm bol khai tòm tê cau drơng kơp gàr.’

Ejekiel 33:8

Dilah Añ đơs mơ cau iơh bơsak lah: ‘Ơ cau iơh bơsak, ngan mê rơp chơt!’ Mơ mê ò đơs nàng kơryan cau iơh bơsak pleh bơh ală gùng dà bol khai dê, gen cau iơh bơsak hơ̆ rơp chơt bơh tồi glài bol khai dê, mơya mhàm bol khai Añ rơp lùp di tê mê dê.

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Yal Wơl 18:19

Dilah gơs cau lơi ò iat ală jơnau đơs Añ jê mơ cau gơnoar hwơr ai sơnđan mơ đơs, gen să tòm Añ rơp kup glài cau hơ̆.

Jôsue 22:24

Ò di behơ̆ ò, bol hi lơh bơta hơ̆ la tài bơh bol hi rngòt tòm ngai tơnơ̆ ală kòn sau oh mi dê rơp đơs mơ kòn sau bol hi lah: ‘Ñchi bơta bol mê neh lơh gơwèt mơ Jehôwa Yàng Tom Trồ Israel dê taih?

I Samuel 20:16

Behơ̆ Jônathan lơh dô bơta ho bal mơ hìu Dabit mơ đơs lah: “Dan Yàng Jehôwa sal tê di ală cau sò tơm Dabit dê.”