Jôsue 22:20 - Sră Goh 2018

²⁰ Ò di Akan kòn klau Jerah neh ò dòn song gơwèt mơ phan pal phi ơn, mơ bơta gơjrañ dờng Yàng Jehôwa dê neh dùh hơđang mpồl jơnum Israel dê ò ơ? Mơ ò di mìng dô nă khai neh kong chơt tài bơh tồi glài khai dê ò!’”

Jôsue 22:20 ပူးပေါင်းရင်းမြစ်များ

II Yal Yau 24:18

Bol khai sang lòi hìu duh khoai Yàng Jehôwa la Yàng Tom Trồ ală ồng pàng bol khai dê mơ duh khoai ală jrong duh khoai mơ ală rùp ràk Asera dê. Tài bơh bơta tồi glài bol khai dê gen bơta gơjrañ dờng Yàng Tom Trồ dê dùh hơđang Juda mơ Jerusalem.

Sră Jop 35:8

Bơta iơh bơsak ồng dê mìng lơh iơh di cau ndai be să tòm ồng, Mơ bơta song ring ồng dê, gơs kwơ kòn sau kòn mơnus in.

Lebi 10:6

Gen Môise đơs mơ Arôn bal mơ ală kòn klau khai dê la Eleajar mơ Ithamar lah: “Bañ lòi sŏ bol mê dê ò kèr, mơ bañ crè ồi ào bol mê dê, rngòt bol mê rơp chơt mơ Yàng Jehôwa rơp gơjrañ di jơh mpồl làng bol mòn. Mơya jơh gơp bơtiàn bol mê dê, jơh ală hìu nhă Israel dê rgơi ñìm rac bơh ală cau mơ Yàng Jehôwa neh tơnroh tòm ồs.

I Kôrintô 10:6

Mơ tai, ală bơta hơ̆ lơh krơh bol he in, nàng bol he in bañ hàm kòñ is ală bơta iơh be bol khai neh hàm kòñ.

Jôsue 22:21

Gen cau Ruben, cau Gat, mơ nggùl jơi bơtiàn cau Manase ho wơl mơ ală cau at bồ ală mpồl hìu nhă Israel dê lah,

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

Jôsue 7:18

Jôsue sồr kòp nă cau klau tòm hìu nhă Japdi lòt tus hơđap, gen Akan kòn klau Karmi, sau Japdi, se Jerah tòm jơi bơtiàn Juda, kòl sơnio.

Jôsue 7:24

Gen Jôsue mơ jơh Israel kup Akan la kòn sau Jerah bal mơ priă, ào jrùh, pơnai màh, ală kòn klau mơ ală kòn ùr khai dê, kơnrồ, alàng mơ belàt khai dê, sàl khai dê mơ jơh ală phan khai gơs mơ cèng tus hơ Thòng Akôr.

Jôsue 7:5

Cau Ahi tơnchơt pơgap pe jơt prau nă cau tòm bol khai, mơ ting jat bol khai bơh đah bơdìh mpồng ƀòn jơl tus hơ Sebarim, mơ tơnchơt bol khai tòm tŭ mù kơh. Gen nùs làng bol lề lac kung be dà.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.