Jôsue 22:19 - Sră Goh 2018

¹⁹ Mơya tŭ do, dilah ù tiah bol mê dòp geh neh gơlik gơs ƀơ̆ ƀơl, gen tiă tĕ tus hơ ù tiah Yàng Jehôwa dê, la tiah gơs Hìu Ing Duh Khoai Yàng Jehôwa dê, mơ dòp dô pơnah sre brê bol mê dê digùl bol hi. Mơya bañ tòmdră mơ Yàng Jehôwa, hala tòmdră mơ bol hi mơ bơt bơtào bol mê in dô nơm cơnòng duh khoai ndai rlau mơ cơnòng duh khoai Jehôwa Yàng Tom Trồ bol he dê.

Jôsue 22:19 ပူးပေါင်းရင်းမြစ်များ

II Yal Yau 11:13

Ală cau gơnoar ơn phan duh khoai mơ cau Lebi bơh di jơh ală kơnhwàl tòm làm jơh Israel lòt tus hơ khai.

Lik Ejiptơ 15:17

Ơ Yàng Jehôwa! Kơnràñ neh cèng tơmut bol khai, mơ tam bol khai hơđang mơnơm sre brê Kơnràñ dê, la tiah Kơnràñ neh lơh gơs hìu ơm Kơnràñ dê, la Hìu Duh Khoai Sàng Goh, ơ Yàng Jehôwa, mơ tê Kơnràñ neh bơtào gơs.

Daniel 10:13

Mơya bơtau at bồ lơgar Persia neh kơryan añ tòm bàr jơt dùl ngai; gen Mikael la dô nă tòm ală kwang dờng at bồ, neh lòt tus nàng dong kòl añ tài bơh añ kòl kơryan tềng hơ̆ bơh bơtau Persia.

Amôs 7:17

Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Jôsue 18:1

Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

Jôsue 22:11

Mơ tòm tŭ làng bol Israel kơno lah bol hơ̆ neh bơt bơtào dô nơm cơnòng duh khoai dê nhàr lơgar Kanaan, tòm Gêlilôt, rềp hiòng Jordan, gơrê bal mơ Israel,