Jôsue 22:15 - Sră Goh 2018

¹⁵ Tòm tŭ bol khai tus hơ cau Ruben, cau Gat, mơ nggùl jơi bơtiàn cau Manase tòm ù tiah Galaat, gen đơs mơ bol hơ̆ lah:

Jôsue 22:15 ပူးပေါင်းရင်းမြစ်များ

I Yal Yau 21:3

Mơya Jôap đơs lah: “Dan Yàng Jehôwa bơtơl dô rhiang dơ̆ rlau tai. Ơ cau tòm añ jê la bơtau, ò di bol khai la ală cau duh broă cau tòm añ jê la bơtau ò ơ? Ñchi bơh tài cau tòm añ jê kòñ sồr lơh bơta hơ̆ taih? Ñchi bơh tài pal cèng bơta tìs glài hơđang Israel taih?”

II Yal Yau 10:19

Behơ̆, Israel neh tòmdră mơ hìu Dabit jơl tus di ngai do.

II Yal Yau 25:27

Bơh di tŭ Amajiah pơrlac sang ò lòt jat Yàng Jehôwa, gơs ală cau bơyai bơtào tòmdră mơ khai tòm Jerusalem mơ khai ntoat dô hơ Lakis, mơya bol khai sồr cau ting jat khai tòm Lakis mơ tơnchơt khai tềng hơ̆.

II Yal Yau 26:18

Bol khai tòmdră mơ khai mơ đơs lah: “Ơ Ujia, bơtau ò gơs gơnoar chu kơlhô Yàng Jehôwa in. Hơ̆ la broă ală cau gơnoar ơn phan duh khoai dê la ală kòn sau Arôn neh geh ơn is sàng goh nàng chu kơlhô. Lik tĕ bơh di tiah sàng goh, bơh bơtau neh lơh tìs; mơ bơtau rơp ò geh jòng ro bơh Jehôwa Yàng Tom Trồ.”

II Yal Yau 28:13

Bol khai đơs lah: “Bol mê ò di cèng ală cau neh kup hơ̆ tềng do, bơh bol mê kòñ cèng hơđang bol hi glài tòmdră mơ Yàng Jehôwa; mơ bơtơl tai bol hi in glài hơđang ală tồi glài bol hi dê. Bơh tồi glài bol hi dê neh dờng rau, mơ gơs bơta gơhào gơjrañ dờng tòmdră mơ Israel.”

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Lik Ejiptơ 32:8

Bol khai neh mhar sang lòi jơnau Añ neh sồr bol khai mơ neh lơh bol khai in dô nơm rùp ràk tŏ gơs rùp să kung be dô nơm kơnrồ kòn. Bol khai neh cùn khoai di đap rùp hơ̆, neh ơn phan ơn gơ in mơ neh đơs lah: ‘Ơ Israel! Do la yàng neh tă cèng bol mê lik klàs bơh di Ejiptơ.’”

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Lebi 5:19

Hơ̆ la phan ơn tơwài glài gơtup tìs, khai neh tìs glài bơh bơta tìs tòmdră mơ Yàng Jehôwa.”

Khà Làng Bol 14:43

bơh ală cau Amalek mơ cau Kanaan rơp tòmdră mơ bol mê tềng hơ̆. Tài bơh bol mê neh wơlke bơh di Yàng Jehôwa, Kơnràñ rơp ò ơm bal mơ bol mê mơ bol mê rơp kong sreh tơnchơt.”

Khà Làng Bol 32:15

Dilah bol mê wơlke ò lòt jat Kơnràñ tai, Kơnràñ kung rơp sang lòi jơh làng bol do, mơ bol mê la kai lơh bol khai in kong chơt roh.”

Khà Làng Bol 5:6

“Đơs tĕ mơ cau Israel lah: Tòm tŭ dô nă cau klau hala cau ùr lơh bơta tìs mơ dô nă cau ndai bulah tòm bơta lơi, mơ lơh behơ̆ la ò dòn song mơ Yàng Jehôwa, gen cau hơ̆ gơkòl glài,

Mathiơ 18:17

Ai dilah cau hơ̆ ò bài iat bol khai, gen yal tĕ mơ Hìu Jum Goh; dilah khai kung ò bài iat Hìu Jum Goh, gen sền tĕ khai kung be cau bơdìh mơ cau dar dia.”

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 5:4

Behơ̆, tòm tŭ oh mi pơjum bal, gen hwềng nùs añ kung gơs tềng hơ̆ bal mơ gơnap gơnoar Yàng Jesu bol he dê,

Yal Wơl 30:17

Mơya dilah nùs bol mê gơpơrlac ngài mơ bol mê ò kòñ iat, mơya bol mê gơkòl tìs nrah cùn khoai ală yàng ndai mơ duh broă bol gơ,

Yal Wơl 7:4

bơh bol khai rơp pơrlac ngài ală kòn sau bol mê dê ò lòt jat Añ tai; mơ rơp duh khoai ală yàng ndai, mơ bơta gơjrañ Yàng Jehôwa dê rơp gơhào khuh tòmdră mơ bol mê mơ rơp tơnroh bol mê mhar ngan.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Jôsue 22:12

Tòm tŭ làng bol Israel kơno bơta hơ̆, gen pơjum bal jơh Israel tòm Silô, nàng lòt tòmlơh mơ bol hơ̆.

Jôsue 22:14

Kung gơs jơt nă cau kwang at bồ, kòp jơi bơtiàn Israel dô nă; kòp nă tòm bol hơ̆ la cau at bồ dô mpồl hìu nhă tòm ală jơi bơtiàn Israel dê.

Jôsue 22:16

“Jơh mpồl jơnum Yàng Jehôwa dê đơs lah: ‘Ñchi bơta bol mê ò dòn song do mơ bol mê neh tòmdră mơ Yàng Tom Trồ Israel dê, sang lòi ò lòt jat Yàng Jehôwa tòm ngai do, mơ bơt bơtào bol mê in dô nơm cơnòng duh khoai ndai ngai do nàng tòmdră mơ Yàng Jehôwa taih?

Jôsue 22:18

mơ ngai do bol mê pal sang lòi ò lòt jat Yàng Jehôwa! Dilah ngai do bol mê tòmdră mơ Yàng Jehôwa, gen Kơnràñ rơp gơhào gơjrañ di jơh mpồl jơnum Israel tòm ngai hìng.

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”