Jôsue 21:8 - Sră Goh 2018

⁸ Ală ƀòn dờng bal mơ ală ƀlàng ñhơt hơ̆ cau Israel neh tă khà tòmpà cau Lebi in, jat be Yàng Jehôwa neh ai gơnoar sồr Môise.

Jôsue 21:8 ပူးပေါင်းရင်းမြစ်များ

Sơnròp Gơlik Gơs 49:5

Simeôn mơ Lebi la oh mi tòm. Đào bol khai ngan la phan tòmlơh jàñ bơsak;

Sơnròp Gơlik Gơs 49:7

Pal srat rma bơta gơhào gơjrañ bol khai dê, bơh ngan la jàñ bơsak! Pal srat rma bơta gơjrañ bol khai dê, bơh gơ la iơh rmơh! Añ rơp cah bol khai bơh tòm Jakôp, Mơ lơh bol khai nrah nring tòm Israel.

Jơnau Pơnđik 16:33

Cau tă khà tòm tiang ào; Mơya bơta lơh nền bơh di Yàng Jehôwa mơ tus.

Jơnau Pơnđik 18:18

Bơta tă khà tơnroh tòm pơndang bal, Pơnring digùl ală cau gơs gơnoar pràn.

Khà Làng Bol 32:2

Behơ̆ bol khai lòt tus hơ Môise mơ Eleajar cau gơnoar ơn phan duh khoai mơ ală cau gơnoar at bồ mpồl jơnum, mơ đơs lah:

Khà Làng Bol 33:54

Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

Khà Làng Bol 35:3

Gen bol khai rơp gơs ală ƀòn dờng nàng ơm mơ ală ƀlàng ñhơt ală kơnrồ, belàt mơ ală phan poan jơng ndai bol khai in.

Jôsue 18:6

Tơnơ̆ mơ tŭ bol mê neh cih rùp yal loh bơh poh pơnah lơgar rau, gen cèng tĕ añ in tềng do; añ rơp tă khà bol mê in di đap Jehôwa Yàng Tom Trồ bol mê dê tềng do.

Jôsue 21:3

Behơ̆, jat gơnoar sồr Yàng Jehôwa dê làng bol Israel ai ală ƀòn dờng be tơnơ̆ do bal mơ ală ƀlàng ñhơt tòmpà lơh gơs sre brê ală cau Lebi in.

Jôsue 21:7

Ală kòn sau Merari jat ală hìu nhă bol khai dê dòp jơt bàr nơm ƀòn dờng bơh di ală jơi bơtiàn Ruben, Gat mơ Jebulun.

Jôsue 21:9

Bơh ală jơi bơtiàn Juda mơ Simeôn, bol khai tòmpà ală ƀòn dờng gơs sơnđan be tơnơ̆ do bol khai in,