Jôsue 21:44 - Sră Goh 2018

⁴⁴ Mơ Yàng Jehôwa ai bol khai in rlô bơh ală đah jat be Kơnràñ neh srat să ho nền mơ ală ồng pàng bol khai dê. Ò gơs dô nă cau sò tơm lơi rgơi ntào jai di đap bol khai. Bơh Yàng Jehôwa neh jào jơh ală cau sò tơm tòm tê bol khai.

Jôsue 21:44 ပူးပေါင်းရင်းမြစ်များ

II Yal Yau 13:16

Cau Israel ntoat dô di đap cau Juda, mơ Yàng Tom Trồ neh jào bol khai tòm tê cau Juda.

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Lik Ejiptơ 33:14

Yàng Jehôwa đơs lah: “Bơta Gơs Mat Añ jê lòt bal mơ mê, mơ Añ rơp ai mê in rlô.”

Esai 63:14

Kung be mpồl phan poan jơng mù tòm thòng, Hwềng Yàng Jehôwa dê neh ai bol khai in ơm rlô bòl. Hơ̆ la Kơnràñ neh tề lam làng bol Kơnràñ dê, nàng lơh gơklŏ sơnđan să tòm Kơnràñ in.

Yal Wơl 2:36

Bơh di Arôer di gah thòng Arnôn, mơ bơh di ƀòn dờng tòm thòng, tus tơn hơ Galaat, ò gơs dô nơm ƀòn dờng lơi la pràn kơldang rlau mơ bol hi. Jehôwa Yàng Tom Trồ bol he dê neh ai jơh ală bơta bol he in.

Yal Wơl 21:10

“Tòm tŭ bol mê lòt tòmlơh mơ ală cau sò tơm bol mê dê mơ Jehôwa Yàng Tom Trồ bol mê dê jào phi bol khai tòm tê bol mê mơ bol mê kup cèng bol khai,

Hebrơ 4:9

Behơ̆, gam gơs dô bơta rlô lơngai be rlô ngai Saƀat làng bol Yàng Tom Trồ in.

Jôsue 1:13

“Kah tĕ jơnau Môise cau duh broă Yàng Jehôwa dê neh nting sồr bol mê lah: ‘Jehôwa Yàng Tom Trồ bol mê dê neh rcang ai bol mê in dô bă tiah nàng rlô mơ rơp ai lơgar do bol mê in.’

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:5

Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Jôsue 11:12

Mơ jơh ală ƀòn dờng ală bơtau hơ̆ dê, bal mơ ală cau bơtau bol gơ dê. Jôsue tòmpìt ai ƀòn, ngui đào tơnchơt jơh jat be Môise la cau duh broă Yàng Jehôwa dê neh sồr.

Jôsue 11:23

Behơ̆ Jôsue tòmpìt ai jơh lơgar jat be jơh ală jơnau Yàng Jehôwa neh đơs mơ Môise, mơ ai lơgar hơ̆ Israel in lơh gơs sre brê jat be bơta tă khà ală jơi bơtiàn bol khai dê. Mơ lơgar ơm rlô bơh bơta kơlìn.

Jôsue 11:8

Mơ Yàng Jehôwa jào phi bol khai tòm tê Israel. Israel lơh bol hơ̆ mơ ting jat bol khai tus di lồi gùng lòt hơ Sidôn Dờng, mơ Misrephôt Maim, mơ hơ thòng Mispa tòm đah mattơngai lik, bol khai tơnchơt jơh ò lòi dô nă lơi gam kis.

Jôsue 2:24

Bol khai đơs mơ Jôsue lah: “Di ngan Yàng Jehôwa neh jào jơh lơgar tòm tê bol he dê; jơh làng bol tòm lơgar neh gơdô nùs rngòt di đap bol he.”

Jôsue 22:4

Tŭ do Jehôwa Yàng Tom Trồ bol mê dê neh ai ală oh mi bol mê in bơta rlô lơngai jat be Kơnràñ neh ho pơgon. Gen tàng rê tĕ hơ sàl bol mê dê tòm ù tiah gơs sre brê bol mê dê la tiah Môise cau duh broă Yàng Jehôwa dê, neh ai bol mê in đah ne hiòng Jordan.

Jôsue 22:9

Behơ̆, cau Ruben, cau Gat bal mơ nggùl jơi bơtiàn cau Manase rê wơl hơ hìu bol khai dê, cah is bơh cau Israel tòm Silô, hơ̆ la tòm lơgar Kanaan, nàng rê hơ ù tiah Galaat la lơgar tòm bol khai dê mơ bol khai neh dòp sre brê jat jơnau gơnoar sồr Yàng Jehôwa dê neh sồr Môise.

Jôsue 23:1

Tơnơ̆ mơ jŏ tơngai rau, tòm tŭ Yàng Jehôwa neh ai Israel in ơm rlô lơngap lơngai, bơh di jơh ală cau sò tơm ơm gùt dar bol khai, mơ Jôsue neh kra jòng sơnam,