Jôsue 21:43 - Sră Goh 2018

⁴³ Behơ̆ Yàng Jehôwa neh ai Israel in jơh ù tiah mơ Kơnràñ neh srat să ho nền mơ ală ồng pàng bol khai dê, mơ Kơnràñ ai bol khai in lơh gơs sre brê mơ ơm tềng hơ̆.

Jôsue 21:43 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 28:4

Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

II Yal Yau 20:8

Bol khai neh ơm tòm lơgar do mơ tòm hơ̆ neh bơt Kơnràñ in dô nơm hìu duh khoai sơnđan Kơnràñ in, đơs lah:

Nehemi 9:24

Behơ̆ gen, kòn sau bol khai neh mut mơ dòp geh lơgar, mơ Kơnràñ neh lơh alah ală cau Kanaan di đap bol khai, neh jào bol khai in ală cau hơ̆ bal mơ ală cau bơtau bol khai dê, mơ ală làng bol bol khai dê nàng bol khai lơh ală làng bol hơ̆ in jat be nùs kòñ.

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Đơs Crih 105:8

Kơnràñ kah bơta ho bal Kơnràñ dê sùm sùm, Ò hŭi jơnau nting sồr Kơnràñ dê jơl tus di dô rbô rài.

Đơs Crih 44:3

Bơh bol khai ò di kơnòm di đào tòm bol khai dê mơ geh lơgar, Kung ò kơnòm di tơwòr tê tòm bol khai dê mơ geh pha; Mơya kơnòm di tê ma Yàng dê, Bơh Yàng neh hừh nùs di bol khai.

Đơs Crih 78:55

Kơnràñ bơtrơh tơlik ală làng bol di đap bol khai; Kơnràñ tòmpà lơgar lơh gơs sre brê bol khai in, Mơ ai ală jơi bơtiàn cau Israel in ơm tòm sàl ală làng bol hơ̆ dê.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Khà Làng Bol 33:53

Ai tĕ lơgar lơh gơs sre brê mơ ơm tơn tềng hơ̆ bơh Añ neh ai bol mê in lơgar lơh gơs sre brê.

Khà Làng Bol 34:2

“Ai tĕ jơnau gơnoar sồr ală cau Israel in mơ đơs mơ bol khai lah: ‘Tòm tŭ bol mê mut tòm Kanaan, ù tiah rơp tă khà ai bol mê in lơh gơs sre brê rơp gơs ală nhàr gơ dê:

Yal Wơl 11:31

Bol mê rơp tiă Jordan nàng mut mơ dòp geh ù tiah Jehôwa Yàng Tom Trồ bol mê dê ai bol mê in lơh gơs phan tòm. Tòm tŭ bol mê neh dòp geh gơ rau mơ ơm kis tềng hơ̆,

Yal Wơl 12:29

Jehôwa Yàng Tom Trồ bol mê dê rơp tơnroh di đap bol mê ală lơgar mơ bol mê rơp tòmpìt mơ tơnroh. Mơya tòm tŭ bol mê neh ting bơtrơh bol khai mơ mut ơm tòm lơgar bol khai dê,

Yal Wơl 17:14

“Tòm tŭ bol mê mut tòm lơgar mơ Jehôwa Yàng Tom Trồ bol mê dê, ai bol mi in lơh gơs sre brê mơ ơm tơn tềng hơ̆, mơ bol mê đơs lah: ‘Bol he bơtào tĕ dô nă cau bơtau at bồ hơđang bol he kung be jơh ală làng bol ndai ơm gùt dar bol he,’

Yal Wơl 34:4

Lồc behơ̆ Yàng Jehôwa đơs mơ khai lah: “Hơ̆ la lơgar mơ Añ neh srat să ho mơ Abraham, Isak mơ Jakôp tòm tŭ Añ đơs lah: ‘Añ rơp ai gơ ală kòn sau mê in.’ Añ neh lòi mê sền gŏ gơ mơ mat tòm mê dê, mơya mê rơp ò lòt gan mơ mut tòm hơ̆.”

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 21:42

Kòp nơm ƀòn dờng hơ̆ gơs ƀlàng ñhơt gùt dar; jơh ală ƀòn dờng hơ̆ neh gơs behơ̆.

Ală Kwang Cahrña 11:24

Ngan ò di bol mê neh dòp ù tiah bơh Kemôs yàng mê dê neh ai bol mê in ò ơ? Ngan ò di bol hi la ală cau pal dòp ală phan mơ Jehôwa Yàng Tom Trồ ai bol hi in ò ơ?

I Samuel 12:8

Tòm tŭ Jakôp mù hơ Ejiptơ, làng bol hơ̆ rồn bơklơn bol khai, gen ồng pàng bol mê dê hòi driau mơ Yàng Jehôwa, mơ Kơnràñ neh sồr Môise mơ Arôn, la ală cau neh cèng ală ồng pàng bol mê dê lik bơh di Ejiptơ mơ neh ai bol khai in ơm tòm tiah do.