Jôsue 18:6 - Sră Goh 2018

⁶ Tơnơ̆ mơ tŭ bol mê neh cih rùp yal loh bơh poh pơnah lơgar rau, gen cèng tĕ añ in tềng do; añ rơp tă khà bol mê in di đap Jehôwa Yàng Tom Trồ bol mê dê tềng do.

Jôsue 18:6 ပူးပေါင်းရင်းမြစ်များ

Đơs Crih 105:11

Mơ đơs lah: “Añ rơp ai mê in lơgar Kanaan Lơh gơs sre brê bol mê in.”

Jơnau Pơnđik 16:33

Cau tă khà tòm tiang ào; Mơya bơta lơh nền bơh di Yàng Jehôwa mơ tus.

Jơnau Pơnđik 18:18

Bơta tă khà tơnroh tòm pơndang bal, Pơnring digùl ală cau gơs gơnoar pràn.

Khà Làng Bol 33:54

Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

Khà Làng Bol 34:13

Môise ai jơnau gơnoar sồr ală cau Israel in mơ đơs lah: “Tă khà tòmpà tĕ lơgar lơh gơs sre brê. Yàng Jehôwa neh ai jơnau gơnoar sồr lah gơ rơp geh ai sin jơi bơtiàn mơ nggùl in,

Broă 13:19

Tòm tŭ neh tơnroh poh làng bol tòm lơgar Kanaan rau, gen Kơnràñ ai bol khai in lơh gơs cau tòm ù tiah hơ̆,

Jôsue 14:2

Sre brê bol khai dê neh geh tă khà jat be Yàng Jehôwa neh sồr Môise ai sin jơi bơtiàn mơ nggùl in.

Jôsue 18:10

gen Jôsue tă khà bol khai in tòm Silô di đap Yàng Jehôwa, mơ tềng hơ̆ khai tòmpà ù tiah làng bol Israel in jat kòp jơi bơtiàn bol khai dê.

Jôsue 18:7

Cau Lebi ò geh dô pơnah digùl bol mê, bơh gơnoar broă ơn phan duh khoai Yàng Jehôwa in la sre brê bol khai dê; mơ jơi bơtiàn Gat, Ruben, mơ nggùl jơi bơtiàn Manase neh dòp geh sre brê đah mattơngai lik hiòng Jordan mơ Môise cau duh broă Yàng Jehôwa dê neh ai bol khai in.”

Jôsue 18:8

Behơ̆ ală cau klau hơ̆ sơntòm lòt gùng, gen Jôsue ai gơnoar sồr bol khai la cau lik lòt nàng cih rùp ù tiah, mơ đơs lah: “Lòt tĕ sền sơwì làm lơgar mơ cih rùp gơ, gen rê wơl hơ añ; añ rơp tă khà bol mê in di đap Yàng Jehôwa tềng do tòm Silô.”