Jôsue 18:28 - Sră Goh 2018

²⁸ Jelah, Haelep, ƀòn dờng cau Jebusit dê (hơ̆ la Jerusalem), Gibeah, mơ Kiriat Jearim jơt poan nơm ƀòn dờng bal mơ ală ƀòn dềt bol gơ dê. Hơ̆ la ù tiah sre brê jơi bơtiàn Benjamin dê jat ală mpồl hìu nhă bol khai dê.

Jôsue 18:28 ပူးပေါင်းရင်းမြစ်များ

II Samuel 21:14

Bol khai tơp ntìng ƀồc Sol mơ Jônathan, kòn klau khai dê, tòm bơtô ƀồc Kis bèp Sol dê, tòm Sela, tòm Benjamin, mơ lơh jat jơh ală bơta be bơtau neh sồr. Tơnơ̆ mơ hơ̆ Yàng Tom Trồ ho wơl jơnau hòi dan lơgar in.

II Samuel 23:29

Helep kòn klau Baana cau Netôpha, Ittai kòn klau Ribai bơh Gibea, tòm Benjamin,

II Samuel 5:6

Dabit mơ ală cau khai dê lòt tus hơ Jerusalem nàng brồ lơh cau Jebusit. Cau Jebusit đơs mơ Dabit lah: “Mê rơp ò geh mut tòm do; mìng cau jơngo mat mơ cau kwet gơlte kung rgơi lơh tơrwơl mê!” Kơlôi lah: “Dabit ò rgơi mut tòm do.”

II Samuel 5:8

Tòm ngai hơ̆ Dabit neh đơs lah: “Cau lơi lơh pha mơ cau Jebusit gen lòi khai guh jat gùng lòt ai dà nàng brồ lơh ală cau kwet mơ cau jơngo mat la ală cau sò tơm Dabit dê.” Gen tàng bol khai đơs lah: “Cau jơngo mat mơ cau kwet gơlte rơp ò mut tòm hìu.”

I Yal Yau 8:28

Jơh ală cau hơ̆ la cau at bồ ală hìu nhă, la cau at bồ be neh cih tòm sră cih sơnđan jơi bơtiàn bol khai dê, mơ bol khai ơm tòm Jerusalem.

Esai 10:29

Bol khai lòt gan kơh mơnơm, mơ đơs lah: “Bol he rơp lơh sàl mơ bic mang tòm Geba.” Rama rơm să rngòt; Gibea Sol dê neh ntoat dô.

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Sră Ôse 10:9

Ơ Israel, bơh di ală ngai Gibea mê neh tìs glài, mơ tềng hơ̆ bol khai gam pơnjat sùm; ò di bơta kơlìn neh tòmpìt sơmbrơt bol khai tòm Gibea ò ơ?

Khà Làng Bol 26:38

Ală kòn sau Benjamin jat mpồl hìu nhă bol khai dê la: bơh di Bela gơs mpồl hìu nhă Bela; bơh di Asbel gơs mpồl hìu nhă Asbel; bơh di Ahiram gơs mpồl hìu nhă Ahiram;

Khà Làng Bol 26:54

Jơi bơtiàn lơi gơs oă cau gen ai tĕ sre brê dờng, mơ jơi bơtiàn lơi dô êt cau gen ai tĕ sre brê dềt; kòp mpồl pal dòp geh sre brê jat ntum khà ală cau neh geh cih sơnđan tòm sră.

Khà Làng Bol 33:54

Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

Jôsue 15:63

Làng bol Juda ò rgơi ting bơtrơh làng bol Jebusit ơm tòm Jerusalem, gen tàng làng bol Jebusit gam ơm tềng hơ̆ mơ làng bol Juda jơl tus di ngai do.

Jôsue 15:8

Bơh tềng hơ̆ nhàr gơguh tus hơ Thòng Ben Hinôm rò kơh đah đơm ƀòn dờng Jebusit (hơ̆ la Jerusalem). Bơh nhàr hơ̆ gơguh tus hơ bồ mơnơm tòm toh di thòng Hinôm dê, đah đang mattơngai mut, tus đah đang lồi di thòng Rephaim;

Jôsue 18:16

Gen nhàr gơ mù tus hơ jơng mơnơm di đap thòng Ben Hinnôm ơm đah đang thòng Rephaim dê. Gơ lòt pơnjat tai mơ mù tus hơ thòng kòn klau Hinôm, jat rò gah đah đơm kơh mơnơm ƀòn dờng cau Jebusit dê mơ mù tus hơ En Rôgel.

Jôsue 18:27

Rekem, Irpeel, Taralah,

Jôsue 19:1

Pơnah ù tiah tă khà dơ̆ bàr di di jơi bơtiàn Simeôn, jat kòp mpồl hìu nhă bol khai dê. Ù tiah bol khai dê ơm tòm dơlam sre brê jơi bơtiàn Juda dê.

Ală Kwang Cahrña 1:21

Mơya, cau Benjamin ò rgơi ting bơtrơh cau Jebusit ơm tòm Jerusalem; gen tàng cau Jebusit gam ơm tềng hơ̆ bal mơ cau Benjamin jơl tus di ngai do.

Ală Kwang Cahrña 19:10

Mơya cau klau hơ̆ ò bài ơm wơl dô mang tai, khai ñă lòt hơ đah Jebus (hơ̆ la Jerusalem), bal mơ bàr nơm alàng neh kơt ừn mơ bau cồng khai dê.

I Samuel 10:26

Sol kung rê hơ hìu tòm khai dê tòm Gibea, gơs ală cau khin cha Yàng Tom Trồ neh lơh rngoh rngac tòm nùs lòt jat bal mơ khai.