Jôsue 18:14 - Sră Goh 2018

¹⁴ Bơh mơnơm di đap Bet Hôrôn đah mattơngai mut, nhàr lơgar gơwèt wơl đah đơm, gơ lòt jat đah mattơngai mut mơ tus di Kiriat Baal (hơ̆ la Kiriat Jearim), la dô nơm ƀòn dờng gơrê bal mơ làng bol Juda. Hơ̆ la nhàr đah mattơngai mut.

Jôsue 18:14 ပူးပေါင်းရင်းမြစ်များ

II Samuel 6:2

Dabit mơ jơh ală cau ơm bal mơ khai lik lòt bơh Baale gơrê mơ Juda nàng cèng brê Đài Bơta Ho Bal Yàng Tom Trồ dê bơh tềng hơ̆, la đài geh tơmoh jat sơnđan Yàng Jehôwa Gơnap Gơnoar Dờng Làm Jơh, la Bơtau nggui hơđang ceruƀim.

Jôsue 15:60

Kiriat Baal (hơ̆ la Kiriat Jearim), mơ Rabah: Bàr nơm ƀòn dờng bal mơ ală ƀòn dềt bol gơ dê.

Jôsue 15:9

Nhàr bơh bồ mơnơm hơ̆ tus di croh dà Nepthôah, mơ bơh tềng hơ̆ tus hơ ală ƀòn dờng mơnơm Eprôn dê mơ mù tus hơ nhàr Baalah (hơ̆ la Kiriat Jearim).

Jôsue 18:13

Bơh tềng hơ̆ nhàr gơ lòt gan đah đơm kơh mơnơm Lus dê (hơ̆ la Betel), mơ mù tus hơ Atarôt Adar hơđang mơnơm đah đơm tiah liah Bet Hôrôn.

Jôsue 18:15

Nhàr đah đơm gơ rơp sơntòm bơh tiah bơdìh Kiriat Jearim đah mattơngai mut mơ gơ lòt tus hơ Ephrôn, tus hơ croh dà Neptôah;

Jôsue 9:17

Behơ̆ cau Israel ñă lòt gùng tòm pe ngai mơ tus hơ ală ƀòn dờng bol hơ̆ dê la Gabaôn, Kephirah, Beerôt mơ Kiriat Jearim,

I Samuel 13:18

dô mpồl ndai lòt hơ đah Bet Hôrôn, mơ mpồl ndai tai lòt wèt hơ đah mơnơm, bơh tềng hơ̆ sền bơh hơđang thòng Jebôim hơ đah ƀlàng ngềt ngơt.