Jôsue 17:16 - Sră Goh 2018

¹⁶ Kòn sau Jôsep ho lah: “Tiah mơnơm la ò tơl bol hi in, tài bơh jơh ală cau Kanaan ơm tòm ƀlàng gơs ală rơndeh tòmlơh mơ lòs, jơh mơ cau ơm tòm Betsean mơ ală ƀòn dềt gơ dê, bal mơ ală cau ơm tòm thòng Jejreel.”

Jôsue 17:16 ပူးပေါင်းရင်းမြစ်များ

I Ală Bơtau 18:45

Tòm dô êt jŏ, trồ gơlik jù bơh mhwal, mơ càl, mơ gơs mìu dờng ngan. Gen Ahap hào hơđang rơndeh khai dê lòt tus hơ Jejreel.

I Ală Bơtau 18:46

Tê Yàng Jehôwa ơn hơđang Eli, khai kơt but mơ ntoat di đap Ahap tus di mpồng mut tòm Jejreel.

I Ală Bơtau 21:1

Tơnơ̆ ală broă hơ̆, gơlik gơs dô bơta be do: Nabôt, cau Jejreel, gơs dô nơm suơn ño tòm Jejreel, di gah gơlang bơtau Ahap, tòm Samari.

I Ală Bơtau 21:23

Gơwèt mơ Jesebel Yàng Jehôwa kung đơs lah: ‘So rơp sa poac Jesabel đah dơlam dơrñang Jejreel.’

I Ală Bơtau 4:12

Baana kòn klau Ahilut, tòm Thaanak, Megidô, mơ tòm jơh Betsean, bơdìh Jarethan, hơđơm Jejreel, bơh Betsan jơl tus Abel Mehôla lòt gan rlau mơ Jôkmeam;

II Ală Bơtau 9:10

So rơp sa poac Jesabel tòm ù tiah Jejreel; rơp ò gơs cau lơi tơp khai.’” Chòp, cau pơnu pò mpồng mơ ntoat dô.

II Ală Bơtau 9:37

ƀồc khai rơp be è tòm ƀlàng tòm ù tiah Jejreel dê, behơ̆ ò gơs dô nă cau lơi rgơi đơs, do la Jesebel.’”

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Jôsue 15:56

Getreel, Jôkdeam, Sanôah,

Jôsue 17:11

Tòm ù tiah Isakar mơ Aser, Manase kung gơs ƀòn dờng Bet San, Ipleam mơ ală làng bol Dôr, Endôr, Thaanat mơ Megidô bal mơ ală tiah jơnum làng bol gùt dar bol gơ dê (ƀòn dờng dơ̆ pe la Naphôt).

Jôsue 17:15

Jôsue ho lah: “Dilah ntum khà bol mê la gal ngan behơ̆, gen guh tĕ hơ tiah dơr brê, mơ lơh goh ù tềng hơ̆ bol mê in tòm ù tiah cau Pherijit cau Rephaim mơ dilah lơgar mơnơm Epraim la hat hal bol mê in.”

Jôsue 17:17

Mơya Jôsue đơs mơ hìu Jôsep hơ̆ la Epraim mơ Manase lah: “Ntum khà bol mê la oă mơ gơs pràn ngan; bol mê ò di mìng dòp geh dô pơnah lơm,

Jôsue 17:18

mơya ù tiah mơnơm kung rơp la bal mơ bol mê tai sơl; bulah gơ la brê dơr, bol mê mus wàs tĕ mơ lơh tĕ jơh ù tiah hơ̆ gơlik gơs phan tòm bol mê dê, bulah cau Kanaan gơs rơndeh lòs tòmlơh mơ bulah bol khai gơs pràn, bol mê rơp ting bơtrơh bol khai bơh hơ̆ sơl.”

Jôsue 19:18

Ù tiah bol khai dê tơrgòm jơh Jejreel, Kesulôt, Sunem,

Ală Kwang Cahrña 1:19

Yàng Jehôwa ơm bal mơ cau Juda. Bol khai tòmpìt ai tiah lơgar kơh mơnơm lơh gơs sre brê, mơya bol khai ò rgơi ting bơtrơh làng bol ơm tòm tiah ƀlàng ring; tài bơh bol hơ̆ gơs rơndeh lòs tòmlơh.

Ală Kwang Cahrña 4:13

gen Sisera pơjum bal jơh sin rhiang nơm rơndeh lòs tòmlơh khai dê mơ jơh ală cau ling ơm bal mơ khai lòt bơh Harôset Hagôim tus hơ croh Kisôn.

Ală Kwang Cahrña 4:3

Bơtau Jabin gơs sin rhiang nơm rơndeh lòs tòmlơh mơ khai neh rồn bơklơn làng bol Israel dô bă iơh bơsak tòm bàr jơt nam, gen làng bol Israel rac dan mơ Yàng Jehôwa dong kòl.

Ală Kwang Cahrña 6:33

Tŭ hơ̆ jơh ală cau Midian, cau Amalek mơ ală cau đah mattơngai lik pơjum bal, tiă hiòng Jordan mơ lơh sàl tòm thòng Jejreel.

I Samuel 29:1

Tŭ hơ̆ cau Philistin pơjum jơh ală mpồl ling bol khai dê tòm Aphek, mơ cau Israel lơh sàl di gah dà croh tòm Jejreel.