Jôsue 15:14 - Sră Goh 2018

¹⁴ Kalep ting bơtrơh bơh Hebrôn pe nă kòn klau Anak di la Sesai, Ahiman mơ Thalmai.

Jôsue 15:14 ပူးပေါင်းရင်းမြစ်များ

II Samuel 21:16

Tŭ hơ̆, dô nă tòm ală kòn sau Rapha dê la Isbibenôp ngui tà kòng kơnjơ̆ pe rhiang sieklơ mơ kơt đào pa di but, đơs lah khai rơp tơnchơt Dabit.

Khà Làng Bol 13:33

Bol hi neh gŏ ală cau Nephilim ơm tềng hơ̆ (hơ̆ la ală kòn sau Anak tus bơh Nephilim). Bol hi sền să tòm bol hi gơlơh kung be ală srah nting, mơ bol khai sền di bol hi gơlơh kung behơ̆ sơl.”

Yal Wơl 9:2

Làng bol pràn kơldang mơ jòng jơnhoa, hơ̆ la ală kòn sau cau Anakim dê! Bol mê git bơh làng bol hơ̆ mơ neh kơno đơs lah: “Ñcau rgơi ntào jai tòmdră mơ ală cau Anakim taih?”

Jôsue 11:21

Tòm tŭ hơ̆ Jôsue lòt tơnroh cau Anak ơm tiah lơgar kơh mơnơm, bơh Hebrôn, Debir, mơ Anap, bơh jơh ală tiah kơh mơnơm Juda dê, mơ bơh jơh ală tiah kơh mơnơm Israel dê. Jôsue tơnroh bol khai jơh hir bal mơ ală ƀòn dờng bol khai dê.

Jôsue 11:22

Ò gơs dô nă cau Anak lơi gam tòm lơgar cau Israel dê, mìng gam tòm Gaja, tòm Gat mơ tòm Asdôt.

Ală Kwang Cahrña 1:10

Bol khai lòt tòmlơh mơ cau Kanaan ơm tòm Hebrôn (lài òr sơnđan la Kiriat Arba); mơ pha rlau mơ Sesai, Ahiman mơ Thalmai.

Ală Kwang Cahrña 1:20

Hebrôn neh ai Kalep jat be Môise neh ho, mơ khai neh ting bơtrơh pe nă kòn klau Anak bơh di ƀòn hơ̆.