Jôsue 14:15 - Sră Goh 2018

¹⁵ Lài òr cau sơnđan Hebrôn la Kiriat Arba; Arba do la cau dờng màng rlau jơh tòm làng bol Anakim. Behơ̆ lơgar ơm rlô bơh bơta kơlìn gơtoă.

Jôsue 14:15 ပူးပေါင်းရင်းမြစ်များ

Sơnròp Gơlik Gơs 23:2

Sara chơt tòm Kiriat Arba, hơ̆ la Hebrôn, tòm lơgar Kanaan. Abraham tus moat ƀồc mơ ñìm rac Sara in.

Sơnròp Gơlik Gơs 35:27

Jakôp tus hơ Isak, bèp khai dê, tòm Mamre, tòm ƀòn Kiriat Arba, hơ̆ la Hebrôn, di tiah Abraham mơ Isak neh ơm ing.

Sơnròp Gơlik Gơs 37:14

Israel sồr khai lah: “Mê lòt tĕ, sền ală bi mê mơ ală mpồl phan mbe lơi, gen yal wơl añ in git.” Behơ̆, bơh thòng Hebrôn khai sồr Jôsep lòt tus hơ Sicem.

I Yal Yau 6:4

Eleajar tơnggơs Phinea, Phinea tơnggơs Abisua,

Nehemi 11:25

Mơ kung be bơh ală ƀòn dềt mơ mìr sre bol khai dê, gơs cau ƀà tòm làng bol Juda ơm tòm Kiriat Arba mơ ală ƀòn gùt dar, tòm Dibôn mơ ală ƀòn gơ dê, tòm Jekapjeel mơ ală ƀòn gơ dê,

Jôsue 11:23

Behơ̆ Jôsue tòmpìt ai jơh lơgar jat be jơh ală jơnau Yàng Jehôwa neh đơs mơ Môise, mơ ai lơgar hơ̆ Israel in lơh gơs sre brê jat be bơta tă khà ală jơi bơtiàn bol khai dê. Mơ lơgar ơm rlô bơh bơta kơlìn.

Jôsue 14:14

Behơ̆ Hebrôn gơlik gơs sre brê Kalep kòn klau Jephune cau Kenit dê bơh di ngai hơ̆, tài bơh khai neh jơh nùs jat Jehôwa Yàng Tom Trồ Israel dê.

Jôsue 15:13

Jat be jơnau gơnoar sồr Yàng Jehôwa dê, gen Jôsue ai Kalep kòn klau Jephune in dô pơnah ù tiah digùl làng bol Juda la Kiriat Arba, hơ̆ la Hebrôn, (Arba la bèp Anak dê).

Jôsue 21:11

Bol khai geh tòmpà Kiriat Arba (Arba la bèp Anak dê), hơ̆ la Hebrôn, ơm tòm tiah kơh mơnơm Juda dê, bal mơ ală ƀlàng ñhơt gùt dar.

Jôsue 21:12

Mơya ală ƀlàng sre bal mơ ală ƀòn dềt gùt dar ƀòn dờng gen neh ai Kalep kòn klau Jephune in lơh gơs sre brê.

Ală Kwang Cahrña 1:20

Hebrôn neh ai Kalep jat be Môise neh ho, mơ khai neh ting bơtrơh pe nă kòn klau Anak bơh di ƀòn hơ̆.

Ală Kwang Cahrña 3:11

Behơ̆ lơgar ơm rlô ring lơngai tòm poan jơt nam jơl tus di tŭ Ôtniel kòn klau Kenas chơt.

Ală Kwang Cahrña 3:30

Tòm ngai hơ̆ làng bol Môap gơkòl ơm hơđơm gơnoar at bồ làng bol Israel dê, mơ lơgar geh ơm rlô ring lơngai tòm phàm jơt nam.

Ală Kwang Cahrña 5:31

Ơ Yàng Jehôwa, dan jơh ală cau sò tơm di Kơnràñ gơkòl tơnroh behơ̆. Mơya dan ală cau kòñ gơboh di Kơnràñ gen gơlơh kung be mattơngai tòm tŭ gơ àng gơcrà!” Gen lơgar gơs ring lơngai tòm poan jơt nam.

Ală Kwang Cahrña 8:28

Behơ̆ làng bol Midian pal ơm hơđơm gơnoar at bồ làng bol Israel dê; bol khai ò geh pò bồ tai. Behơ̆ lơgar geh ơm rlô lơngai tòm poan jơt nam tòm rài Gideôn.

I Samuel 30:31

mơ tòm Hebrôn, mơ tus hơ ală cau tòm jơh ală tiah Dabit mơ ală cau khai dê neh lòt làm.