Jôsue 14:12 - Sră Goh 2018

¹² Behơ̆, ai tĕ añ in tiah kơh mơnơm do mơ Yàng Jehôwa neh ho mơ añ tòm ngai hơ̆; bơh ồng neh kơno tòm ngai hơ̆ mbe cau Anakim neh ơm tềng hơ̆ mơ ală ƀòn dờng kơ̆ cê bol khai dê, hơ̆ digơlan Yàng Jehôwa neh ơm bal mơ añ, mơ añ rơp bơtrơh tơlik bol khai, be Yàng Jehôwa neh đơs.”

Jôsue 14:12 ပူးပေါင်းရင်းမြစ်များ

II Ală Bơtau 19:4

Digơlan Jehôwa Yàng Tom Trồ ồng neh kơno ală jơnau Rapsake, mơ bơtau Asiri, cau tòm khai, neh sồr khai tus srat rma Yàng Tom Trồ kis gam sùm sùm, mơ Jehôwa Yàng Tom Trồ ồng rơp lơh glài ală jơnau Kơnràñ neh kơno. Behơ̆, dan hòi dan tĕ ala ală cau gam kis in.’”

II Yal Yau 14:11

Asa hòi dan mơ Jehôwa Yàng Tom Trồ khai dê lah: “Ơ Yàng Jehôwa, ò gơs bơta lơi kalke Kơnràñ in, Kơnràñ rgơi dong cau lơbơn òsô tòmdră mơ cau gơnoar pràn. Ơ Jehôwa Yàng Tom Trồ bol hi dê, dan dong kòl bol hi bơh bol hi dòn kơnòm di Kơnràñ, mơ tòm sơnđan Kơnràñ dê bol hi neh lòt tus tòmdră mơ mpồl ling gal ngan do. Ơ Yàng Jehôwa, Kơnràñ la Yàng Tom Trồ bol hi dê; ò gơs kòn mơnus lơi rgơi tòmdră mơ Kơnràñ.”

Đơs Crih 44:3

Bơh bol khai ò di kơnòm di đào tòm bol khai dê mơ geh lơgar, Kung ò kơnòm di tơwòr tê tòm bol khai dê mơ geh pha; Mơya kơnòm di tê ma Yàng dê, Bơh Yàng neh hừh nùs di bol khai.

Đơs Crih 60:12

Kơnòm di Yàng Tom Trồ bol hi rơp tòmlơh dô bă khin cha, Bơh să tòm Kơnràñ rơp jă trơm ală cau sò tơm bol hi dê.

Khà Làng Bol 13:28

Mơya làng bol kis tềng hơ̆ pràn ngan mơ ală ƀòn dờng la kơ̆ cê mơ dờng ngan. Bol hi kung neh gŏ ală kòn sau Anak dê ơm tềng hơ̆.

Khà Làng Bol 13:33

Bol hi neh gŏ ală cau Nephilim ơm tềng hơ̆ (hơ̆ la ală kòn sau Anak tus bơh Nephilim). Bol hi sền să tòm bol hi gơlơh kung be ală srah nting, mơ bol khai sền di bol hi gơlơh kung behơ̆ sơl.”

Khà Làng Bol 21:34

Yàng Jehôwa đơs mơ Môise lah: “Bañ rngòt di khai, bơh Añ neh jào khai tòm tê mê dê, bal mơ jơh mpồl ling mơ lơgar khai dê. Lơh tĕ khai in bơta mê neh lơh di Sihôn bơtau cau Amôrit dê neh at bồ tòm Hesbôn.”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Yal Wơl 1:28

Ntềng đah bol he rgơi lòt taih? Ală oh mi bol he dê neh lơh bol he in gơplơ̆ nùs. Bol khai đơs lah: Ală làng bol tềng hơ̆ la pràn kơldang mơ jơnhoa rlau mơ bol he; ală ƀòn dờng la dờng ngan, ală dơrñang la jòng jơnhoa tus hơđang trồ. Bol hi kung neh gŏ ală cau Anakim ơm tềng hơ̆.’

Yal Wơl 9:1

Ơ Israel, iat tĕ, ngai do bol mê rơp tiă Jordan nàng tòmpìt ai ală lơgar dờng rlau mơ pràn rlau mơ bol mê, gơs ală ƀòn dờng ơnàng ơm tòm ală dơrñang kơ̆ cê jơnhoa tus hơ trồ.

Yal Wơl 9:3

Mơya git nền tĕ tòm ngai do lah Jehôwa Yàng Tom Trồ bol mê dê la Bơtau tiă lài mơ bol mê kung be ồs sa hơng. Kơnràñ rơp tơnroh bol khai; Kơnràñ rơp kup bol khai dòn duh di đap bol mê. Mơ bol mê rơp ting bơtrơh bol khai mơ tơnroh jơh hir bol khai dô bă mhar jat be jơnau Yàng Jehôwa neh ho mơ bol mê.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Hebrơ 11:33

Ală cau hơ̆ bơh bơta dòn neh geh pha lin rlau mơ ală lơgar, lơh jat bơta song ring, dòp geh bơta neh ho pơgon, lềt bơr ală klìu triă,

Jôsue 15:14

Kalep ting bơtrơh bơh Hebrôn pe nă kòn klau Anak di la Sesai, Ahiman mơ Thalmai.

Ală Kwang Cahrña 1:20

Hebrôn neh ai Kalep jat be Môise neh ho, mơ khai neh ting bơtrơh pe nă kòn klau Anak bơh di ƀòn hơ̆.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”