Jôsue 14:11 - Sră Goh 2018

¹¹ Ngai do añ gam pràn kơldang kung be tòm ngai Môise neh sồr añ lòt, bơta pràn añ gơs tŭ do la kung be bơta pràn añ neh gơs tŭ hơ̆, nàng lòt tòmlơh, mơ nàng lòt mơ rê wơl.

Jôsue 14:11 ပူးပေါင်းရင်းမြစ်များ

Đơs Crih 103:5

Kơnràñ lơh mê in hừh hơh bơh ală phan niam tòm jơh rài kis mê dê, Nàng mê in geh wơl pràn kơldang be gam pơnu, kung be bơta pràn kơldang klàng bung dê.

Đơs Crih 90:10

Rài kis bol hi dê tus di poh jơt sơnam. Hala dilah pràn kơldang gen tus di phàm jơt sơnam, Mơya jơh ală nam hơ̆ mìng la bòl glar mơ kalke, Bơh rài kis mhar jơh mơ bol hi sang rài.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Yal Wơl 31:2

“Tŭ do añ neh dô rhiang bàr jơt nam mơ añ ò rgơi tề lam bol mê tai. Yàng Jehôwa neh đơs mơ añ lah: ‘Mê rơp ò tiă Jordan ò.’

Yal Wơl 33:25

Ală kai mpồng dờng mê dê rơp lơh mơ lòs mơ kòng, rài kis mê jŏ kàr lơi, gen bơta pràn kơldang mê dê rơp dròm kàr hơ̆.”

Yal Wơl 34:7

Môise neh dô rhiang bàr jơt nam tòm tŭ khai chơt, bulah behơ̆ mat khai ò lu li bơta pràn kơldang khai dê ò roh.

Jôsue 14:10

Behơ̆ tŭ do, be ồng neh gŏ, Yàng Jehôwa neh sền gàr bơta kis añ jê, be jơnau Kơnràñ neh đơs, neh poan jơt pram nam bơh di tŭ Yàng Jehôwa neh đơs jơnau do mơ Môise, tòm tŭ Israel lòt tòm ƀlàng ngềt ngơt; mơ tềng do, ngai do añ neh phàm jơt pram nam.