Jôsue 13:5 - Sră Goh 2018

⁵ mơ lơgar làng bol Gebalit, mơ jơh Liban tus hơ đah mattơngai lik, bơh Baal Gat ơm hơđơm mơnơm Hermôn tus di Lebô Hamat,

Jôsue 13:5 ပူးပေါင်းရင်းမြစ်များ

I Ală Bơtau 5:18

Behơ̆ ală cau bơt hìu Salômôn mơ cau bơt hìu Hiram dê, mơ ală cau Gibal chài phàt lŭ. Bol khai rcang chi mơ lŭ nàng bơt hìu duh khoai.

I Ală Bơtau 8:65

Behơ̆, Salômôn neh bơtào bơta pơjum sa dờng tòm ngai hơ̆, bal mơ jơh mpồl jơnum dờng Israel, làng bol bơh Lebô Hamat jơl tus di croh Ejiptơ, di đap Jehôwa Yàng Tom Trồ bol he dê, tòm poh ngai.

Đơs Crih 83:7

Gebal, Ammôn mơ Amalek, Cau Philistin mơ làng bol Tirơ;

Esai 10:9

Kalnô ò di kung be Karkemis ò ơ? Hamat ò di kung be Arpat, Samari ò di kung be Damas ò ơ?

Jeremi 52:9

Cau Kalde kup bơtau mơ lam tus hơ bơtau Babilôn, tòm Ripla tòm lơgar Hamat, tềng hơ̆ bơtau kong bơtau Babilôn cahrña.

Ejekiel 27:9

Ală cau kra tòm Gebal mơ ală cau chài rgơi lơh ală broă mơ tê ơm digùl mê, mơ ală cau tơmbồl tiah sèt bluh ơhò mê dê kung behơ̆ sơl. Jơh ală ơhò dàlềng bal mơ ală cau lơh broă tòm ơhò tus lòt bal nàng kă bro mơ mê.

Amôs 6:2

Lòt gan tĕ hơ Kalneh mơ sền, bơh hơ̆ lòt tus hơ ƀòn dờng Hamat, lồc behơ̆ mù tus hơ Gat tòm lơgar Philistin. Bol mê la niam rlau mơ ală lơgar bơtau do sơl? Hala ù tiah bol mê dê la dờng ơnàng rlau mơ ù tiah bol khai dê ơ?

Khà Làng Bol 13:21

Behơ̆ bol khai lik lòt mơ rwang sền lơgar bơh di ƀlàng ngềt ngơt Jin, tus hơ Rehôp, rềp Lebô Hamat.

Khà Làng Bol 34:8

mơ bơh di mơnơm Hor tus di Lebô Hamat, mơ tiah lik hơ nhàr lơgar rơp lòt tus hơ Jedat,

Yal Wơl 1:7

Tă tĕ sàl mơ mut tòm lơgar mơnơm ală cau Amôrit dê; lòt tĕ hơ jơh ală làng bol ơm gùt dar tòm Arabah, tòm ală mơnơm, tòm kơnhwàl Sephelah, tòm kơnhwàl Negep mơ rò gah dàlềng, tòm lơgar cau Kanaan mơ tòm Lebanon, ngài tus hơ hiòng dờng Ơphrat.

Yal Wơl 3:25

Dan ai añ in tiă mơ sền gŏ lơgar niam đah ne Jordan la lơgar mơnơm mơ Liban hàng mơnĕ.”

Jôsue 11:17

bơh mơnơm Halak guh hơ đah Seir, tus hơ Baal Gat tòm thòng Liban di jơng mơnơm Hermôn. Khai kup jơh ală bơtau bol gơ dê pòng lơh mơ tơnchơt jơh bol khai.

Jôsue 11:3

tus hơ làng bol Kanaan ơm đah mattơngai lik mơ đah mattơngai mut, tus hơ ală làng bol Amôrit, Hetit, Pherijit mơ Jebusit ơm tòm lơgar kơh mơnơm, hơ làng bol Hebit ơm di jơng mơnơm Hermôn tòm kơnhwàl lơgar Mispa.

Jôsue 12:7

Do la ală bơtau at bồ ală lơgar mơ Jôsue mơ làng bol Israel neh lơh alah đah mattơngai mut hiòng Jordan dê, bơh Baal Gat tòm thòng Liban tus hơ mơnơm Halak tiah guh hơ Seir. Jôsue ai lơgar bol khai dê cau Israel in nàng lơh gơs sre brê tòm, jat be bơta tòmpà ală jơi bơtiàn bol khai dê,