Jôsue 13:31 - Sră Goh 2018

³¹ nggùl tiah Galaat mơ Astarôt, mơ Edrei, la ƀòn bơtau Ok tòm Basan. Hơ̆ la ù tiah neh jào cau Makir la kòn klau Manase dê jat kòp mpồl hìu nhă bol khai dê, mơ nggùl cau Makir dê.

Jôsue 13:31 ပူးပေါင်းရင်းမြစ်များ

I Yal Yau 6:71

Ală cau Gersôn neh dòp geh ală tiah be tơnơ̆ do: bơh di mpồl hìu nhă nggùl jơi bơtiàn Manase bol khai dòp geh Gôlan tòm Basan mơ Astarôt, bal mơ ală ƀlàng ñhơt bol gơ dê.

Đơs Crih 60:7

Galaat la bal mơ Añ, Manase kung bal mơ Añ; Epraim kung be la sơgơn lòs Añ jê. Juda be la gai gơnoar at bồ Añ jê.

Ejekiel 48:4

Manase rơp gơs dô pơnah; gơ rơp lòt jat nhàr ù tiah Neptali dê bơh đah mattơngai lik tus hơ đah mattơngai mut.

Jôsue 12:4

Mơ bơtau Ok lơgar Basan dê, la dô nă cau gam wơl bơh làng bol Rephaim, khai ơm tòm Astarôt mơ Edrei,

Jôsue 13:12

hơ̆ la làm jơh lơgar bơtau Ok dê tòm Basan, khai at bồ tòm Astarôt mơ tòm Edrei, dô nă khai la cau lồi dut gam wơl bơh làng bol Rephaim dê. Ală làng bol do Môise neh lơh alah mơ bơtrơh tơlik bol khai.

Jôsue 13:32

Hơ̆ la sre brê mơ Môise neh tòmpà tòm tŭ khai ơm tòm ƀlàng Môap, đah ne hiòng Jordan, đah mattơngai lik Jerikô dê.

Jôsue 17:5

Sre brê gơrê mơ Manase jơt pơnah, ò kòp Galaat mơ Basan ơm đah mattơngai lik hiòng Jordan;

Jôsue 17:6

tài bơh ală kòn ùr Manase dê dòp geh sre brê gơrê mơ ală kòn klau khai dê. Ù tiah Galaat gơrê bal mơ ală cau gam wơl jơi bơtiàn Manase dê.

Jôsue 9:10

mơ jơh ală bơta Kơnràñ neh lơh di bàr nă cau bơtau Amôrit ơm đah mattơngai lik hiòng Jordan dê, hơ̆ la Sihôn bơtau Hesbôn mơ Ok bơtau Basan at bồ tòm Astarôt.

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.

Ală Kwang Cahrña 5:17

Galaat ơm đah ne hiòng Jordan; mơ Dan, ñchi bơh tài khai ơm wơl bal mơ ală ơhò? Aser ơm nggui wơl di gah dàlềng, ơm tòm ală ù tiah khai dê.

I Samuel 12:10

Gen bol khai rac dan mơ Yàng Jehôwa mơ đơs lah: ‘Bol hi neh tìs glài, bol hi neh sang lòi Yàng Jehôwa, mơ neh duh broă Baal mơ Astarte. Mơya tŭ do dan dong tă bol hi bơh di tê ală cau sò tơm di bol hi, gen bol hi rơp duh broă Kơnràñ.’

I Samuel 7:3

Samuel đơs mơ jơh hìu Israel lah: “Dilah ală bol mê jơh nùs rê wơl hơ Yàng Jehôwa, gen sang tĕ ală yàng lơgar bơdìh mơ Astarte bơh digùl bol mê, ơn tĕ song nùs bol mê dê Yàng Jehôwa in, mơ mìng duh broă Kơnràñ lơm, gen Kơnràñ rơp dong tă bol mê bơh di tê cau Philistin.”