Jôsue 13:29 - Sră Goh 2018

²⁹ Môise neh tòmpà sre brê nggùl jơi bơtiàn Manase in; gơ neh geh jào nggùl jơi bơtiàn kòn sau Manase in jat kòp mpồl hìu nhă bol khai dê.

Jôsue 13:29 ပူးပေါင်းရင်းမြစ်များ

I Yal Yau 5:23

Ntum khà nggùl jơi bơtiàn Manase ơm kis tòm lơgar la oă ngan; bơh Basan tus hơ Baal Hermôn, Senir, mơ mơnơm Hermôn.

Ejekiel 48:4

Manase rơp gơs dô pơnah; gơ rơp lòt jat nhàr ù tiah Neptali dê bơh đah mattơngai lik tus hơ đah mattơngai mut.

Khà Làng Bol 32:22

Mơ tòm tŭ neh geh lơgar di đap Yàng Jehôwa, gen bol mê rgơi rê wơl mơ geh khat gơboh bơh di broă pal lơh bol mê dê gơwèt hơ Yàng Jehôwa mơ gơwèt hơ Israel. Mơ lơgar hơ̆ rơp la sre brê bol mê dê di đap Yàng Jehôwa.

Khà Làng Bol 32:40

Behơ̆ Môise ai Galaat ală cau Makir in la ală kòn sau Manase dê, mơ bol khai ơm tơn tềng hơ̆.

Yal Wơl 3:13

Pơnah gam wơl Galaat dê bal mơ jơh Basan lơgar bơtau Ôk dê gen añ ai nggùl jơi bơtiàn Manase in. (Jơh dô kơnhwàl Argôp tòm Basan òs geh kòp la ù tiah cau Rephaim dê.

Jôsue 13:28

Ală ƀòn dờng do bal mơ ală ƀòn dềt bol gơ dê la sre brê jơi bơtiàn Gat dê, jat kòp mpồl hìu nhă bol khai dê.

Jôsue 13:30

Ù tiah bol khai dê bơh Mahanaim mơ làm jơh Basan, làm jơh lơgar bơtau Ok cau Basan dê, jơh ală tiah bơt ƀòn làng bol Jair dê tòm Basan, prau jơt nơm ƀòn dờng,

Jôsue 17:5

Sre brê gơrê mơ Manase jơt pơnah, ò kòp Galaat mơ Basan ơm đah mattơngai lik hiòng Jordan;

Jôsue 17:6

tài bơh ală kòn ùr Manase dê dòp geh sre brê gơrê mơ ală kòn klau khai dê. Ù tiah Galaat gơrê bal mơ ală cau gam wơl jơi bơtiàn Manase dê.

Jôsue 22:7

Tŭ hơ̆ Môise neh ai nggùl jơi bơtiàn Manase in dô pơnah sre brê tòm Basan; mơya nggùl jơi bơtiàn ne Jôsue neh ai dô pơnah sre brê di gah oh mi Israel bol khai tòm ù tiah đah mattơngai mut hiòng Jordan. Mơ tòm tŭ Jôsue sồr bol khai rê hơ sàl bol khai dê, gen ai lơngai bol khai in,