Jôsue 12:6 - Sră Goh 2018

⁶ Môise cau duh broă Yàng Jehôwa dê bal mơ làng bol Israel neh tòmlơh pha rlau mơ bol khai, mơ Môise cau duh broă Yàng Jehôwa dê neh ai lơgar bol khai dê cau Ruben, cau Gat mơ nggùl jơi bơtiàn cau Manase in lơh gơs sre brê tòm.

Jôsue 12:6 ပူးပေါင်းရင်းမြစ်များ

I Ală Bơtau 4:19

Geber kòn klau Uria, tòm Galaat (bơtau Sihôn, cau Amôrit, mơ bơtau Ôk cau Basan dê). Mìng dô nă khai lơh gơs cau kwang at bồ hơđang kơnhwàl.

Khà Làng Bol 32:29

Khai đơs mơ bol khai lah: “Dilah ală cau Gat mơ ală cau Ruben, kòp nă cau klau neh àñ ală phan tòmlơh mơ tiă hiòng Jordan bal mơ bol mê di đap Yàng Jehôwa, gen tòm tŭ neh tòmpìt ai lơgar di đap bol mê rau gen ai tĕ bol khai ù tiah Galaat lơh gơs sre brê bol khai dê.

Khà Làng Bol 32:32

Bol hi rơp mă àñ phan tòmlơh mơ tiă hiòng mut tòm Kanaan di đap Yàng Jehôwa, mơya sre brê mơ bol hi dòp geh rơp ơm đah do hiòng Jordan.”

Khà Làng Bol 32:33

Gen Môise ai ală cau Gat, ală cau Ruben, mơ nggùl jơi bơtiàn Manase kòn klau Jôsep in lơgar bơtau Sihôn dê at bồ cau Amôr, mơ lơgar bơtau Ok dê la cau at bồ cau Basan, jơh dô nơm lơgar bal mơ ală ƀòn dờng mơ ù tiah gùt dar.

Jôsue 14:3

Bơh Môise neh ai bàr jơi bơtiàn mơ nggùl in sre brê đah ne hiòng Jordan; mơya gơwèt mơ cau Lebi gen Môise ò ai sre brê bol khai in.

Jôsue 18:7

Cau Lebi ò geh dô pơnah digùl bol mê, bơh gơnoar broă ơn phan duh khoai Yàng Jehôwa in la sre brê bol khai dê; mơ jơi bơtiàn Gat, Ruben, mơ nggùl jơi bơtiàn Manase neh dòp geh sre brê đah mattơngai lik hiòng Jordan mơ Môise cau duh broă Yàng Jehôwa dê neh ai bol khai in.”

Jôsue 22:4

Tŭ do Jehôwa Yàng Tom Trồ bol mê dê neh ai ală oh mi bol mê in bơta rlô lơngai jat be Kơnràñ neh ho pơgon. Gen tàng rê tĕ hơ sàl bol mê dê tòm ù tiah gơs sre brê bol mê dê la tiah Môise cau duh broă Yàng Jehôwa dê, neh ai bol mê in đah ne hiòng Jordan.