Jôsue 11:22 - Sră Goh 2018

²² Ò gơs dô nă cau Anak lơi gam tòm lơgar cau Israel dê, mìng gam tòm Gaja, tòm Gat mơ tòm Asdôt.

Jôsue 11:22 ပူးပေါင်းရင်းမြစ်များ

I Ală Bơtau 2:39

Mơya tơnơ̆ mơ pe nam, bàr nă cau dĭ Simei dê dô tus bơtau Akis, kòn klau Maaka, lơgar Gat dê. Cau neh yal Simei in git mơ đơs lah: “Ală cau dĭ ồng dê ơm tòm Gat.”

I Yal Yau 18:1

Tơnơ̆ mơ hơ̆, Dabit tòmlơh pha rlau cau Philistin mơ at bồ bol khai, khai tòmpìt ai Gat mơ ală ƀòn dềt gùt dar gơ bơh di gơnoar at bồ cau Philistin dê.

I Yal Yau 8:13

Beria mơ Sema, la ală cau at bồ ală hìu nhă ală cau ơm tòm Aijalôn mơ la cau neh ting bơtrơh ală cau ơm tòm Gat.

II Yal Yau 26:6

Khai lik lòt tòmlơh tòmdră mơ cau Philistin mơ lơh tơrlah dơrñang Gat, Japne mơ Asdôt. Lồc behơ̆ khai bơt wơl ală ƀòn dờng rềp di Asdôt mơ tòm ală tiah ndai digùl cau Philistin.

Esai 20:1

Tòm nam mơ Sargôn, bơtau Asiri, sồr cau kwang dờng at bồ ling tus Asdôk, tòmlơh mơ tòmpìt ai gơ,

Broă 8:40

Ai Philip gen cau gŏ ơm tòm Ajôtus; tòm gùng lòt tus hơ Sesare, khai bơto yal Jơnau Niam tòm làm jơh ală ƀòn dờng mơ khai neh lòt gan.

Yal Wơl 2:23

Mơ đah pơnah mơ cau Abim ơm tòm ală ƀòn ngài tus di Gaja gen ală cau Kaptôrim lik lòt bơh di Kaptôr tơnroh bol khai mơ ơm tòm tiah bol khai dê.)

Yal Wơl 9:2

Làng bol pràn kơldang mơ jòng jơnhoa, hơ̆ la ală kòn sau cau Anakim dê! Bol mê git bơh làng bol hơ̆ mơ neh kơno đơs lah: “Ñcau rgơi ntào jai tòmdră mơ ală cau Anakim taih?”

Jôsue 10:41

Jôsue neh tòmlơh pha rlau mơ bol khai bơh Kades Barnea tus Gaja mơ bơh jơh dô kơnhwàl lơgar Gôsen tus hơ Gabaôn.

Jôsue 15:14

Kalep ting bơtrơh bơh Hebrôn pe nă kòn klau Anak di la Sesai, Ahiman mơ Thalmai.

Jôsue 15:46

Bơh Ekrôn tus hơ dàlềng rềp mơ Asdôt bal mơ ală ƀòn dềt gơ dê.

Jôsue 15:47

Asdôt, mơ ală ƀòn dờng gơ dê bal mơ ală ƀòn dềt gơ dê, Gaja bal mơ ală ƀòn dờng mơ ală ƀòn dềt gơ dê, tus hơ croh dà Ejiptơ mơ rò gah Dàlềng Dờng.

Ală Kwang Cahrña 1:18

Cau Juda kung tòmpìt ai Gaja bal mơ ù tiah gơ dê, Askalôn mơ ù tiah gơ dê, Ekrôn bal mơ ù tiah gơ dê.

Ală Kwang Cahrña 3:3

Pram nă cau kwang at bồ cau Philistin, mơ jơh ală cau Kanaan, ală cau Sidôn, mơ làng bol Hebit ơm tòm mơnơm Liban, bơh mơnơm Baal Hermôn tus hơ Lebô Hamat.

I Samuel 17:4

Dô nă cau jak tòmlơh sơnđan la Gôliat cau Gat, lik bơh di sàl cau Philistin; khai jơnhoa rlau mơ sin tal.

I Samuel 5:1

Tòm tŭ làng bol Philistin neh tòmpìt geh Đài Yàng Tom Trồ dê, bol khai cèng gơ bơh Ebenejer tus hơ Asdot.