Jôsue 11:20 - Sră Goh 2018

²⁰ Bơh Yàng Jehôwa neh lơh bol khai in kơldang nùs, nàng bol khai tus tòmdră mơ Israel tòm bơta lơh kơlìn, tồ bol khai pal kong tơnroh jơh, mơ ò rgơi dòp bơta nđàc; mơya pal tơnroh jơh jat be Yàng Jehôwa neh sồr Môise.

Jôsue 11:20 ပူးပေါင်းရင်းမြစ်များ

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

I Ală Bơtau 12:15

Behơ̆, bơtau ò bài iat jơnau làng bol, bơh bơta hơ̆ tus bơh Yàng Jehôwa, nàng lơh tòm toh jơnau Kơnràñ neh kơnòm di Ahijah tòm Silô neh yal Jerôbôam in, kòn Klau Nebat dê.

II Yal Yau 22:7

Mơya hơ̆ la bơta lơh nền bơh Yàng Tom Trồ lơh Acasia in gơkòl roh rui, bơh bơta khai lòt còp Jôram. Bơh tòm tŭ Acasia tus tềng hơ̆ khai lòt mơ Jôram nàng tìp Jehu kòn klau Nimsi la cau mơ Yàng Jehôwa neh bong mơñà nàng tơnroh hìu Ahap.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Lik Ejiptơ 10:1

Gen Yàng Jehôwa đơs mơ Môise lah: “Lòt tĕ tus hơ Pharaôn, bơh Añ neh lơh kră kơldang nùs khai dê mơ nùs ală cau kwang duh broă khai dê nàng Añ in lơh ală tềl krơi Añ jê digùl bol khai,

Lik Ejiptơ 11:10

Môise mơ Arôn lơh jơh ală tềl krơi do di đap Pharaôn, mơya Yàng Jehôwa lơh kơldang nùs Pharaôn dê, mơ khai ò bài lòi làng bol Israel in lik lòt bơh lơgar khai dê.

Lik Ejiptơ 14:17

Gen Añ rơp lơh cau Ejiptơ in kơldang nùs nàng bol khai rơp mù tòm dàlềng mơ ting jat cau Israel. Mơ Añ rơp geh gơklŏ bơh Pharaôn bal mơ jơh mpồl ling khai dê, bơh ală rơndeh lòs tòmlơh bal mơ ală cau ling hào ơseh khai dê.

Lik Ejiptơ 14:4

Añ rơp lơh kơldang nùs Pharaôn dê, khai rơp ting jat cau Israel. Mơya să tòm Añ rơp geh gơklŏ bơh Pharaôn mơ jơh mpồl ling khai dê, mơ cau Ejiptơ rơp git Añ la Yàng Jehôwa.” Mơ cau Israel lơh jat behơ̆.

Lik Ejiptơ 14:8

Yàng Jehôwa lơh kơldang nùs Pharaôn, bơtau Ejiptơ dê, nàng khai ting jat cau Israel tòm tŭ cau Israel lik lòt dô bă khin cha ngan.

Lik Ejiptơ 4:21

Yàng Jehôwa đơs mơ Môise lah: “Tòm tŭ mê rê wơl hơ lơgar Ejiptơ, lơh tĕ di đap Pharaôn ală bơta krơi Añ neh ai mê in gơnap gơnoar nàng lơh; mơya Añ rơp lơh khai in kơldang nùs, khai rơp ò ai làng bol in lik lòt.

Lik Ejiptơ 9:12

Mơya Yàng Jehôwa neh lơh kơldang nùs Pharaôn gen khai ò iat jơnau Môise mơ Arôn dê, tòm toh be jơnau Yàng Jehôwa neh đơs mơ Môise.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Esai 14:24

Yàng Jehôwa Gơnap Gơnoar Dờng neh srat să lah: “Di ngan, bơta Añ neh rơndap gen rơp gơlik gơs, bơta Añ lơh nền gen rơp ntào kơ̆.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Rôma 9:18

Behơ̆ Kơnràñ gơs nùs nđàc sơngit di cau lơi gen nđàc sơngit, mơ kòñ lơh kơldang nùs cau lơi gen lơh.

Yal Wơl 2:30

Mơya Sihôn bơtau Hesbôn ò bài lòi bol hi lòt gan lơgar khai dê. Bơh Jehôwa Yàng Tom Trồ bol mê dê neh lơh hwềng khai tòmdră mơ nùs khai kră kơldang tồ jào khai tòm tê bol mê dê tòm toh jat be Kơnràñ neh lơh rau.

Yal Wơl 7:16

Bol mê pal tơnroh jơh ală làng bol mơ Yàng Jehôwa jào tòm tê bol mê dê. Bañ gơs nùs nđàc sơngit di bol khai mơ bañ duh khoai ală yàng bol khai dê, bơh bơta hơ̆ rơp kung be dô nơm dă bol mê in.

Ală Kwang Cahrña 14:4

Mè bèp khai ò git bơta hơ̆ tus bơh Yàng Jehôwa, Kơnràñ jòi kai nàng tòmlơh mơ làng bol Philistin, bơh tŭ hơ̆ làng bol Philistin at bồ hơđang Israel.

I Samuel 2:25

Dilah dô nă cau tìs glài tòmdră mơ dô nă cau ndai, gen gơs cau đơs ala cau glài hơ̆ mơ Yàng Jehôwa; mơya dilah dô nă cau tìs glài tòmdră mơ Yàng Jehôwa gen ñcau rơp đơs ala khai in taih?” Bulah behơ̆, bol khai ò bài iat jơnau bèp bol khai dê, bơh hơ̆ la nùs kòñ Yàng Jehôwa dê nàng tơnchơt bol khai.