Jôsue 11:11 - Sră Goh 2018

¹¹ Bol khai ai đào tơnchơt jơh ală cau ơm tòm hơ̆, ò lòi dô nơm phan tă nhơm lơi gam kis, mơ khai chu ƀòn Hajor mơ ồs.

Jôsue 11:11 ပူးပေါင်းရင်းမြစ်များ

Yal Wơl 20:16

Bulah behơ̆, tòm ală ƀòn dờng gơrê bal mơ ală làng bol mơ Jehôwa Yàng Tom Trồ bol mê dê ai bol mê in lơh gơs sre brê gen bañ lòi kis dô nơm phan lơi tă nhơm.

Yal Wơl 3:7

Mơya ală mpồl phan poan jơng mơ ală phan tòmpìt geh bơh di ală ƀòn dờng bol khai dê gen bol hi tă cèng be phan tòmpìt geh bol hi in.

Yal Wơl 7:2

mơ tòm tŭ Jehôwa Yàng Tom Trồ bol mê dê neh jào bol khai bol mê in mơ bol mê neh lơh alah bol khai, gen bol mê pal tơnroh jơh hir bol khai. Bañ bơtào jơnau tòmho bal lơi mơ bol khai, mơ bañ gơs bơta nđàc sơngit dê bol khai.

Jôsue 10:40

Behơ̆ Jôsue tòmpìt ai jơh dô kơnhwàl hơ̆, la hơđang mơnơm, tiah Negep, ală tiah jơng mơnơm đah mattơngai mut mơ ală kơh mơnơm, bal mơ jơh ală bơtau bol gơ dê, khai ò lòi dô nă cau lơi gam kis. Khai tơnroh jơh ală phan tă nhơm jat be jơnau gơnoar sồr Jehôwa Yàng Tom Trồ Israel dê.

Jôsue 6:21

Bol khai ơn jơh ală phan tòm ƀòn dờng bơta tơnroh in, ai đào tơnchơt jơh cau klau mơ cau ùr, cau kơnòm mơ cau kra, kơnrồ, belàt mơ alàng.

Jôsue 6:24

Gen bol khai chu jơh ƀòn dờng bal mơ jơh ală phan tòm hơ̆; mìng priă, màh mơ ală phan ngui lơh mơ kòng mơ lòs gen bol khai ơn tòm đam jàr hìu Yàng Jehôwa dê.