Jôsue 10:42 - Sră Goh 2018

⁴² Jôsue tòmlơh pha rlau mơ jơh ală cau bơtau do mơ tòmpìt ai jơh ală lơgar bol khai dê tòm dô dơ̆ lòt tòmlơh, tài bơh Jehôwa Yàng Tom Trồ Israel dê neh tòmlơh Israel in.

Jôsue 10:42 ပူးပေါင်းရင်းမြစ်များ

Đơs Crih 118:6

Yàng Jehôwa ơm đah mơ añ, añ ò rngòt; Ñchi kòn mơnus rgơi lơh di añ taih?

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 46:7

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 80:3

Ơ Yàng Tom Trồ, dan bơtào tơngguh wơl bol hi, Dan lơh àng gơcrà muh mat Yàng dê, gen bol hi rgơi geh dong klàs.

Lik Ejiptơ 14:14

Yàng Jehôwa rơp tòmlơh ala bol mê in; bol mê mìng ơm mŏ mŏ lơm.”

Lik Ejiptơ 14:25

Kơnràñ lơh kong rơndeh lòs tòmlơh bol khai dê gơkòl sơntă, lòi bol khai at dô bă bòl glar kalke ngan. Gen cau Ejiptơ đơs lah: “Bol he dô pleh tĕ bơh di cau Israel, Yàng Jehôwa bơh bol khai mơ tòmlơh mơ Ejiptơ.”

Esai 43:4

Tài bơh mê la dờng màng mơ di pal jòng ro di đap Añ, mơ tài bơh Añ neh kòñ gơboh di mê, Añ rơp ai ală cau nàng tòmgơl mơ mê, mơ làng bol nàng tòmgơl bơta kis mê dê.

Yal Wơl 20:4

Bơh Jehôwa Yàng Tom Trồ bol mê dê la Bơtau lòt bal mơ bol mê, nàng tòmlơh bol mê in tòmdră mơ ală cau sò tơm bol mê dê mơ ai bol mê in bơta pha lin rlau.’

Jôsue 10:14

Bơh yau òr jơl tus di ngai do ò gŏ tŭ lơi gơs dô ngai lơi be ngai hơ̆, la ngai mơ Yàng Jehôwa neh dòp jơnau hòi dan dô nă kòn mơnus dê. Ngan la Yàng Jehôwa neh tòmlơh làng bol Israel in.

Jôsue 10:43

Gen Jôsue bal mơ jơh Israel rê wơl hơ tiah lơh sàl tòm Gilgal.