Jôsue 10:40 - Sră Goh 2018

⁴⁰ Behơ̆ Jôsue tòmpìt ai jơh dô kơnhwàl hơ̆, la hơđang mơnơm, tiah Negep, ală tiah jơng mơnơm đah mattơngai mut mơ ală kơh mơnơm, bal mơ jơh ală bơtau bol gơ dê, khai ò lòi dô nă cau lơi gam kis. Khai tơnroh jơh ală phan tă nhơm jat be jơnau gơnoar sồr Jehôwa Yàng Tom Trồ Israel dê.

Jôsue 10:40 ပူးပေါင်းရင်းမြစ်များ

I Ală Bơtau 15:29

Tòm tŭ khai pa lơh gơs bơtau, khai tơnchơt jơh ală cau gơrê bal mơ hìu Jerôbôam, ò lòi wơl dô nă cau lơi tòm hìu nhă Jerôbôam gam kis, tian gơs neh tơnroh jơh jat be jơnau Yàng Jehôwa neh đơs bơh bơr Ahija, dĭ gơna Kơnràñ tòm Silô;

Nehemi 9:24

Behơ̆ gen, kòn sau bol khai neh mut mơ dòp geh lơgar, mơ Kơnràñ neh lơh alah ală cau Kanaan di đap bol khai, neh jào bol khai in ală cau hơ̆ bal mơ ală cau bơtau bol khai dê, mơ ală làng bol bol khai dê nàng bol khai lơh ală làng bol hơ̆ in jat be nùs kòñ.

Đơs Crih 9:17

Cau iơh bơsak gơkòl tơlo dùh tòm lơgar làng ƀồc, Mơ jơh ală lơgar hŭi Yàng Tom Trồ kung behơ̆ sơl.

Lik Ejiptơ 34:12

Kơrhia tĕ, bañ bơtào bơta ho bal mơ cau ơm tòm lơgar mơ mê rơp mut, rngòt bol khai gơlik gơs dô nơm dă digùl bol mê.

Khà Làng Bol 13:17

Tòm tŭ Môise sồr bol khai lòt rwang sền Kanaan gen khai đơs lah: “Lòt gan tĕ đah đơm lơgar tus hơ tiah kơh mơnơm.

Yal Wơl 1:7

Tă tĕ sàl mơ mut tòm lơgar mơnơm ală cau Amôrit dê; lòt tĕ hơ jơh ală làng bol ơm gùt dar tòm Arabah, tòm ală mơnơm, tòm kơnhwàl Sephelah, tòm kơnhwàl Negep mơ rò gah dàlềng, tòm lơgar cau Kanaan mơ tòm Lebanon, ngài tus hơ hiòng dờng Ơphrat.

Yal Wơl 2:34

Tòm tŭ hơ̆, bol hi tòmpìt ai jơh ală ƀòn dờng khai dê mơ tơnroh bol khai jơh hir, jơh ală cau klau, cau ùr mơ cau kơnòm. Bol hi ò lòi dô nă cau lơi gam kis.

Yal Wơl 7:24

Kơnràñ rơp ơn ală cau bơtau bol khai dê tòm tê bol mê, mơ bol mê rơp jùt jơh ală sơnđan bol khai bơh di ù tiah hơđơm trồ. Ò gơs cau lơi rgơi ñă ntào tòmdră mơ bol mê, bol mê rơp tơnroh bol khai.

Jôsue 10:35

Tòm dô ngai hơ̆ bol khai tòmpìt ai ƀòn mơ ai đào tơnroh jơh tơl nă cau tòm gơ kung be khai neh lơh di Lakis.

Jôsue 10:37

Bol khai tòmpìt ai ƀòn mơ ai đào tơnroh gơ bal mơ bơtau gơ dê mơ ală ƀòn gơ dê bal mơ jơh tơl nă cau tòm gơ, ò lòi dô nă cau lơi gam kis. Khai tơnroh jơh ƀòn bal mơ ală cau tòm hơ̆ kung be khai neh lơh di Eglôn.

Jôsue 10:39

Khai tòmpìt ai ƀòn dờng, bơtau gơ dê mơ ală ƀòn gơ dê, mơ ai đào tơnroh jơh; bol khai tơnchơt jơh ală cau ơm tòm gơ, ò lòi dô nă cau lơi gam kis. Be khai neh lơh di Hebrôn mơ kung be khai neh lơh di Lipna mơ bơtau gơ dê, kung behơ̆ khai neh lơh di Debir mơ bơtau gơ dê sơl.

Jôsue 11:16

Behơ̆ Jôsue tòmpìt ai jơh lơgar hơ̆, lơgar kơh mơnơm, tiah Negep, jơh ù tiah Gôsen, ală tiah jơng mơnơm, Arabah mơ tiah lơgar kơh mơnơm Israel dê mơ ală tiah liah gơ dê,

Jôsue 12:8

tiah lơgar kơh mơnơm, tiah jơng mơnơm, tiah Arabah, tiah mù kơh, tiah ƀlàng ngềt ngơt, tiah Negep la lơgar làng bol Hetit, Amôrit, Kanaan, Pherijit, Hebit, mơ Jebusit:

Jôsue 18:21

Ală ƀòn dờng gơrê mơ jơi bơtiàn Benjamin dê jat kòp mpồl hìu nhă la: Jerikô, Bet Hôglah, Emek Kesis,

Jôsue 6:17

Ƀòn dờng bal mơ jơh ală phan tòm hơ̆ pal phi ơn Yàng Jehôwa in nàng tơnroh jơh. Mìng lòi dô nă Rahap la cau ùr dri bal mơ jơh ală cau ơm mơ khai tòm hìu khai dê geh kis, tài bơh khai neh pồn ală cau geh sồr lòt mơ bol he neh sồr lòt.

Jôsue 8:2

Mê rơp lơh di Ahi mơ bơtau gơ dê kung be mê neh lơh di Jerikô mơ bơtau gơ dê; mìng bơh ală phan phà kup bal mơ phan poan jơng gơ dê bol mê rơp ai be phan phà kup să tòm bol mê in. Ơn dô mpồl kơp òm tòmdră bơh ngkòi ƀòn dờng.”

Jôsue 8:27

Mìng ală phan poan jơng mơ ală phan phà geh bơh ƀòn hơ̆, cau Israel ai lơh gơs be phan phà kup să tòm bol khai in, jat be Yàng Jehôwa neh nting sồr Jôsue.

Jôsue 9:24

Bol khai đơs mơ Jôsue lah: “Ală cau duh broă ồng dê neh kơno loh làng mbe Jehôwa Yàng Tom Trồ ồng dê neh ai jơnau gơnoar sồr Môise in la cau duh broă Kơnràñ dê, nàng ai ồng in jơh lơgar do mơ tơnroh jơh ală làng bol tòm lơgar bơh di đap ồng. Behơ̆ bol hi rngòt roh bơta kis bol hi dê tòm tê ồng, gen tàng bol hi neh lơh bơta hơ̆.